ق ر ورتالىق سايلاۋ كوميسسياسى: پرەزيدەنت سايلاۋىنا قاتىستى 11 مىڭعا جۋىق ماتەريال جاريالاندى

استانا. قازاقپارات - ق ر ورتالىق سايلاۋ كوميسسياسى پرەزيدەنت سايلاۋىنا وراي بۇقارالىق اقپارات قۇرالدارىندا جاريالانعان ماتەريالدارعا جۇرگىزىلگەن مونيتورينگتىڭ ارالىق قورىتىندىسىن جاريالادى.

«مونيتورينگ 53 رەسپۋبليكالىق باسپا باسىلىمىن، 16 رەسپۋبليكالىق تەلەارنانى، 179 وڭىرلىك باسپا باسىلىمىن، 29 وڭىرلىك تەلەارنانى، سونداي-اق 7 اقپارات اگەنتتىگى مەن 117 نەعۇرلىم تانىمال قوعامدىق-ساياسي ينتەرنەت-رەسۋرستى قامتيدى. الەۋمەتتىك جەلىلەردە مونيتورينگ 200 دەن استام قوعامداستىق پەن قوعامدىق پىكىر جەتەكشىلەرىنىڭ 250 پاراقشاسىن، Youtube بەينە پورتالىنداعى 30 پايدالانۋشى ارنالاردى، Twitterدەگى وزەكتى حەشتەگتەر لەنتاسىنداعى جاڭارتۋلاردى قامتىدى»، - دەلىنگەن و س ك حابارلاماسىندا.

2015-جىلعى 25- اقپاننان 25- ناۋرىزعا دەيىنگى كەزەڭدە رەسپۋبليكالىق جانە وڭىرلىك ب ا ق- تار سايلاۋ تاقىرىبى جونىندە 10990 ماتەريال جاريالادى. رەسپۋبليكالىق تەلەارنالاردا ەفيرگە 1473 سيۋجەت (!)، گازەتتەردە 731 ماقالا ()، ال ينتەرنەت-رەسۋرستاردا 4850 جاريالانىم (i) ورنالاستارىلدى.

وڭىرلىك ب ا ق- تاردا جالپى العاندا سايلاۋعا بايلانىستى 3936 ماتەريال جاريالاندى. ولاردىڭ ىشىندە 1582 سيۋجەت (@) تەلەارنالار ەفيرىنە شىقتى، 1637 (B ) باسپا باسىلىمدارىندا جاريالاندى جانە 717 () ماتەريال ينتەرنەت-رەسۋرستاردا سالىنعان.

بۇقارالىق اقپارات قۇرالدارى لينگۆيستيكالىق كوميسسيانىڭ قىزمەتىنە جانە پرەزيدەنتتىككە ۇسىنىلعان ۇمىتكەرلەردىڭ پرەزيدەنتتىككە كانديداتتارعا قويىلاتىن كونستيتۋتسيا مەن سايلاۋ تۋرالى زاڭنىڭ تالاپتارىنا سايكەستىگىن انىقتاۋ پروتسەسىنە بەلسەندى قىزىعۋشىلىق تانىتتى. كانديداتتاردى قولداپ قول جيناۋ راسىمىنە، ولاردىڭ راستىعىن تەكسەرۋ جانە ۇسىنۋ قورىتىندىلارىنا قازاقستاندىق ب ا ق 800 دەن استام ماتەريال ارنادى. پرەزيدەنتتىككە كانديداتتاردى تىركەۋ قورىتىندىلارى، سايلاۋالدى ۇگىتتى جۇرگىزۋ ءتارتىبى مەن شارتتارى تۋرالى 400 گە جۋىق ماتەريال جاريالاندى.

اۆتور: مارلان جيەمباي