شىنايى اقشادان ايىرا الماستاي ساپالى جاسالعان 11 ميلليون دوللار جالعان اقشا تاركىلەندى
08:59, 07 - اقپان 2015
استانا. قازاقپارات - كەشە ىستامبۇلدىڭ قۇقىق قورعاۋ قىزمەتكەرلەرى ارنايى جۇرگىزىلگەن وپەراتسيا بارىسىندا اتاشەحير اۋدانىنداعى ساۋدا ورتالىعىنىڭ بىرىندە 1,5 ميلليون ا ق ش دوللارىنا 11 ميلليون جالعان ۆاليۋتا ساتىپ الماق بولعان سيريالىق ازاماتتى قۇرىقتادى.
تەرگەۋ بارىسىندا ونىڭ جالعان اقشالاردى سيرياعا اكەتپەك بولعاندىعى انىقتالدى.
ال ەكونوميكالىق قىلمىسپەن كۇرەس دەپارتامەنتى بۇل سوڭعى 5 جىلدا تاركىلەنگەن ەڭ كوپ مولشەردەگى جالعان ۆاليۋتا ەكەندىگىن ايتىپ، بانكنوتتار شىنايى اقشادان ايىرا الماستاي ساپالى جاسالعانىن حابارلايدى.
24.kz