پاريجدەگى ساتيرالىق جۋرنالدىڭ كەڭسەسىندە 11 ادامدى اتىپ كەتتى
08:50, 08 - قاڭتار 2015
استانا. قازاقپارات - پاريجدەگى Charlie Hebdo ساتيرالىق جۋرنالىنىڭ كەڭسەسىندە اتىس بولىپ، سالدارىنان كەم دەگەندە 11 ادام قازا تاپتى، دەپ جازادى ر ي ا نوۆوستي.
الدىن الا تاراتىلعان مالىمەت بويىنشا، بەتپەردە كيگەن بەلگىسىز بىرەۋلەر كەڭسەگە كەلىپ اۆتوماتتان وق جاۋدىرعان. گازەتتىڭ بىرنەشە قىزمەتكەرى كەڭسەنىڭ شاتىرىنا شىعىپ كەتىپ، باس ساۋعالاعان.
«بەتپەردە كيگەن ەكى ادام CharlieHebdo كەڭسەسىنە وق اتتى. شاتىردا تىعىلىپ وتىرمىز»، - دەپ باسىلىمنىڭ قىزمەتكەرى مارتين بۋدو تۆيتتەردەگى پاراقشاسىنا جازعان.
پاريج مەرياسىنان حابارلاعانداي، 6 ادام اۋىر جاراقات العان.
بۇعان دەيىن Charlie Hebdo باسىلىمى بىرنەشە رەت مۇحاممەد پايعامبارعا قاتىستى كاريكاتۋرا جاريالاعان بولاتىن. بۇل مۇسىلمان قاۋىمىنىڭ اشۋىن تۋدىرعان ەدى.