حالىق سانىنىڭ ءوسىمى كەلەسى عاسىردىڭ باسىنا دەيىن جالعاسپاق. ب ۇ ۇ مەن ۆاشينگتون ۋنيۆەرسيتەتىنىڭ عالىمدارىنىڭ مالىمەتى وسىنداي. بۇل ۋاقىتتا جەر تۇرعىندارىنىڭ سانى 11 ميلليارد ادامعا جەتىپ جىعىلادى. بۇل بۇرىنعى جورامالدان 2 ميلليارد ادامعا كەم.
عالىمداردىڭ پىكىرىنشە، افريكا قۇرلىعىندا دەموگرافيالىق ءوسىم كۇرت جوعارىلاپ، حالىق سانى 1 ميللياردتان 4 ميللياردقا دەيىن وسەدى.
قازىر افريكالىقتار اراسىندا بالا تۋۋ كورسەتكىشى وتە جوعارى، ءار وتباسىندا ورتا ەسەپپەن 4-6 بالادان بار. ازيا حالقىنىڭ سانى 5 ميللياردقا دەيىن جەتىپ، كەيىن ازايا باستايدى. ال جەردىڭ وزگە قۇرلىقتارىنداعى تۇرعىندار سانى تۇراقتى ساقتالادى دەپ بولجانۋدا.