استانادا اعىمداعى جىلى 11 زاڭدى تۇلعا جەكەشەلەندىرىلەدى
بۇل تۋرالى استانا قالاسى اكىمىنىڭ باسپا ءسوز قىزمەتىنە قارجى باسقارماسىنان حابارلادى.
استانادا بەكىتىلگەن كەشەندى جوسپارعا سايكەس 38 زاڭدى تۇلعا، سونىڭ ىشىندە 11 ءى 2014-جىلى، 7 ءى 2015-جىلى جانە 20 ى 2016-جىلى جەكەشەلەندىرۋگە بەرىلەدى.
تولىق ماسشتابتى جەكەشەلەندىرۋ وڭ ناتيجە بەرەرى ءسوزسىز. مىسالى، جەرگىلىكتى اتقارۋشى ورگاندار بەيىنسىز اكتيۆتەر مەن نەگىزگى قىزمەت باعىتىنا قاتىسى جوق فۋنكتسيالاردى اتقارۋدان بوسايدى ءارى كوممۋنالدىق زاڭدى تۇلعالار سانى قىسقارىپ، سول ارقىلى جەرگىلىكتى اتقارۋشى ورگاندار قىزمەتىنىڭ تيىمدىلىگى ارتادى. بۇعان قوسا، قالا ەكونوميكاسىنداعى وسىعان دەيىن مەملەكەتتىڭ قاتىسۋىمەن قۇرىلعان كاسىپورىنداردىڭ ورنى بوساپ، شاعىن جانە ورتا بيزنەستىڭ دامۋىنا قوسىمشا سەرپىلىس بەرەدى. سونىمەن قاتار، مەملەكەتتىك مۇلىكتى ساتۋ ارقىلى بيۋجەتكە قوسىمشا ءتۇسىم تۇسەدى.
قازاقستان رەسپۋبليكاسى پرەزيدەنتىنىڭ 2012-جىلعى 14- جەلتوقسانداعى جولداۋىندا جەرگىلىكتى اتقارۋشى ورگاندارعا ستراتەگيالىق مانگە يە ەمەس كاسىپورىندار مەن قىزمەتتەردى جەكە مەنشىككە وتكىزۋ تۋرالى تاپسىرىلعان بولاتىن. وسىعان بايلانىستى مەملەكەتتىڭ قاتىسۋىمەن قۇرىلعان زاڭدى تۇلعالاردى باسەكەلىك ورتاعا تاپسىرۋ باستالعان ەدى.
قازىرگى ۋاقىتتا استانا قالاسىنىڭ اكىمدىگى باسەكەلىك ورتاعا 11 كوممۋنالدىق زاڭدى تۇلعانى وتكىزدى. ولاردى جەكەشەلەندىرۋدەن بيۋجەتكە تۇسكەن قارجى 244,7 ميلليون تەڭگەنى قۇراپ وتىر.