911 پۋنكتىنەن ايىرىلعان يندەكس، 1897 -جىلدان بەرگى ەڭ تومەنگى كورسەتكىش.
FactSet كومپانياسىنىڭ مالىمەتتەرىنشە، جىل باسىنداعى تورتكۇندىك قۇلدىراۋ تاريحتاعى ەڭ تومەنگى كورسەتكىش بولىپ وتىر. Nasdaq يندەكسى 6 پايىزعا تومەندەپ، 2000 -جىلدان بەرگى سوڭعى 16 جىلداعى ەڭ ناشار دەڭگەيدى كورسەتتى. «ينۆەستورلار بيىلعى جىلدى الاڭداۋشىلىقپەن قارسى الدى»، - دەيدى ا ق ش- تىڭ قارجى نارىعىنىڭ تومەندەۋىنە قاتىستى تۇسىنىكتەمە بەرگەن Yardeni Research ينۆەستيتسيالىق- كەڭەس بەرۋ فيرماسىنىڭ باسشىسى ەد ياردەني.
امەريكانىڭ قور نارىعىنىڭ قۇلدىراۋىنا قىتايداعى قور نارىعىنىڭ تومەندەۋى جانە يۋاننىڭ دەۆالۆاتسياسى سەبەپشى بولدى. سونداي-اق نارىق ويىنشىلارىنىڭ دۇرلىگۋىنە مۇنايدىڭ الەمدىك باعامىنىڭ سوڭعى 12 جىلدان بەرگى رەكوردتىق دەڭگەيدە تومەندەگەنى دە اسەر ەتتى.