ەڭ كارى ادام: 118 جاستاعى ەر ادام تابىلدى
11:59, 30 - قاراشا 2018
استانا. قازاقپارات - برازيليانىڭ يتاجۋيپي قالاسىندا 1900-جىلدارى تۋعان ەر ادام تابىلدى. ەگەر ونىڭ 118 جاستا ەكەنى دالەلدەنسە، ول الەمدەگى ەڭ كارى ادام رەتىندە تىركەلەدى.
جوزە فەررەيرا دوس سانتوس تۋۋ تۋرالى كۋالىگىنە سايكەس، 1900-جىلى بارراكان قالاسىندا تۋعان. ول اۋىل قازىر ريۋ-رەال قالاسى. ەر ادام الەمدەگى ەڭ كارى ادام جاپوندىق كانە تاناكيدەن ەكى جاسقا ۇلكەن. بۇگىندە جاپوندىق اجە ەڭ ەگدە جاستاعى ادام سانالادى.
جوزە فەررەيرا دوس سانتوس جاسى كەلگەنىنە بايلانىستى اياعىمەن ءجۇرىپ-تۇرا المايدى. ول كوبىنە وتىرادى نە جاتادى. ول 58 جىل فەرمادا جۇمىس ىستەگەن.
1940-جىلى 20 جاستاعى لينداۋرا روشە دە جەزۋسكە ۇيلەنگەن. قالىڭدىعى وزىنەن 20 جاس كىشى بولعان. جارى اتا-اناسىنىڭ رۇقساتىنسىز تۇرمىسقا شىققان.
«انام وعان قاتتى اشۋلاندى»، - دەپ ەسكە الادى ايەلى لينداۋرا. ول قازىر 98 جاستا.
ەگدە جاستاعى ەر ادام جايلى بلوگەر كەزدەيسوق ءبىلىپ قالادى. ەندى قۇجاتتارىن دايىنداپ، گيننەستىڭ رەكوردتار كىتابىنا بەرمەك.