بۇل تۋرالى ق ر ءى ءى م تەرگەۋ دەپارتامەنتىنىڭ باستىعى سانجار ءادىلوۆ ءمالىم ەتتى، دەپ حابارلايدى قازاقپارات ءتىلشىسى.
«قازىرگى تاڭدا ىشكى ىستەر ورگاندارىنىڭ تەرگەۋشىلەرى «قاڭتار وقيعاسىنا» قاتىستى قىلمىستىق ىستەردى تەرگەۋدى اياقتاپ جاتىر. وعان قاتىستى 16 مىڭنان استام ادامنان جاۋاپ الىنىپ، 3 مىڭنان استام ساراپتاما جۇرگىزىلدى. شامامەن 350 ميلليون تەڭگەنى قۇرايتىن ۇرلانعان مۇلىك تاركىلەندى. 1125 قىلمىستىق ءىس وندىرىسپەن اياقتالدى. ونىڭ ىشىندە 629 ادامعا قاتىستى قىلمىستىق ءىس سوتقا جىبەرىلدى»، - دەدى سانجار ءادىلوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، قاڭتارداعى جاپپاي تارتىپسىزدىكتەردى تەرگەۋمەن ارنايى پروكۋرورلار اينالىسىپ جاتىر.
«بۇگىنگى تاڭدا 579 ادام سوتتالدى. ونىڭ 462 ءسى باس بوستاندىعىنان ايىرۋدى كوزدەمەيتىن جازاعا كەسىلدى. اۋىر جانە اسا اۋىر قىلمىس جاساعان 117 ادام ناقتى مەرزىمگە باس بوستاندىعىنان ايىرىلدى. سونىمەن قاتار 14 سوتتالۋشىعا قاتىستى تاراپتاردىڭ تاتۋلاسۋىنا بايلانىستى قىلمىستىق ءىس توقتاتىلدى»، - دەيدى ول.