ۋكراينادا اسكەري قيمىلدان 117 اۋرۋحانا قيراعان
10:34, 17 - ناۋرىز 2022
نۇر-سۇلتان.قازاقپارات - ۋكراينادا سوعىس باستالعالى 117 اۋرۋحانا قيراعان. ونىڭ جەتەۋى جوندەۋگە كەلمەيدى. بۇل تۋرالى وسى ەلدىڭ دەنساۋلىق ساقتاۋ مينيسترلىگى حابارلادى.
ۆەدومستۆو دەرەكتەرىنە سايكەس، 40 تان اسا جەدەل جاردەم كولىگى قيراعان. قازىر كوپ ەلدەر ۋكرايناعا كومەكتەسىپ جاتىر. ماسەلەن، يزرايل ەلدىڭ باتىسىندا قۇنى 6,5 ميلليون دوللار بولاتىن دالا گوسپيتالىن جاساقتاماق. 8 جەدەل جاردەم كولىگىن سىيعا تارتقان. دانيا بيلىگى دە وسىنداي شەشىم قابىلدادى. جالپى قازىر ۋكراينانىڭ دەنساۋلىق ساقتاۋ مەكەمەلەرىنە شەتەلدەن كەلگەن 100 دەن اسا مەديتسينا مامانى جۇمىس ىستەپ ءجۇر.
www.24.kz