بۇل تۋرالى تۇركيا ۇكىمەتى جانىنداعى توتەنشە جاعدايلاردىڭ الدىن الۋ جانە سالدارىن جويۋ باسقارماسى (AFAD) رەسمي مالىمەت تاراتتى.
ۆەدومستۆونىڭ اقپاراتىنا سەنسەك، 30- قازانداعى جەر سىلكىنىسىنەن كەيىن جالپى سانى 2846 افتەرشوك تىركەلگەن.
ونىڭ ىشىندە 46 جاعدايدا جەراستى ءدۇمپۋىنىڭ ماگنيتۋداسى 4 بالدان اسقان. ءزىلزالا سالدارىنان 115 ادام قازا بولىپ، 1035 ادام جاراقات العان.
ونىڭ شىندە 1011 تۇرعىن مەديتسينالىق كومەك كورسەتىلىپ، قاجەتتى ەم-شارانى العان سوڭ ۇيىنە جىبەرىلگەن. 23 ادام ءالى ەمدەلىپ جاتىر.
يزميردەگى قيراعان عيماراتتاردىڭ بارىندە ىزدەۋ-قۇتقارۋ جۇمىستارى اياقتالدى.
ەسكە سالا كەتەيىك، 30- قازاندا يزمير پروۆينتسياسى ەگەي تەڭىزىنىڭ جاعالاۋىندا ماگنيتۋداسى 6,6 بالدىق جەر سىلكىنىسى بولعان ەدى.