بەيرۋتتاعى جارىلىس: قازا تاپقاندار 113 ادامعا جەتتى
قايعىلى وقيعا سالدارىنان قازا تاپقاندار سانى قازىر 113 ادامعا جەتتى، دەپ حابارلايدى قازاقپارات ءتىلشىسى Reuters اگەنتتىگىنە سىلتەمە جاساپ.
جارىلىستان مىڭنان استام ادام جاراقات الىپ، ونداعان مىڭ ادام باسپاناسىز قالدى. جەرورتا تەڭىزىندەگى بەيرۋت پورتىنان شامامەن 160 شاقىرىم شالعايداعى كيپر ارالىنداعى عيماراتتاردىڭ دا تەڭسەلىپ كەتكەنى حابارلاندى. شەنەۋنىكتەردىڭ ايتۋىنا قاراعاندا، جارىلىس بەيرۋت پورتىنداعى جارىلعىش ماتەريالداردىڭ وتە ۇلكەن كولەمى قاۋىپسىز جاعدايدا ساقتالعان قويمادا بولعان. قايعىلى وقيعا وسىدان 30 جىل بۇرىن اياقتالعان ازاماتتىق سوعىستان كەيىن ءالى كۇنگە قايتا قالپىنا كەلۋدى باستان كەشىرىپ جاتقان بەيرۋتتىڭ بۇكىل تاريحىنداعى ەڭ قۋاتتى جارىلىس سانالادى. بۇعان قوسا، سوڭعى ايلاردا ليۆاندا ەكونوميكالىق داعدارىس ۋشىعىپ، Covid-19 ىندەتىنە بايلانىستى ودان ارى تەرەڭدەي تۇسكەن ەدى.
ليۆان پرەزيدەنتى ميشەل اۋن حالىققا جولداعان ۇندەۋىندە ەل ۇكىمەتتىڭ «وقيعانى ءجىتى تەرگەۋگە مۇددەلى ەكەندىگىن جانە كىنالىلەر جاۋاپقا تارتىلاتىندىعىن» ايتتى. Reuters اگەنتتىگى دەرەككوزىنە سۇيەنە وتىرىپ حابارلاۋىنشا، 2014 -جىلدان بەرى ماتەريالداردى ساقتاۋ جانە قورعاۋمەن اينالىساتىن پورت قىزمەتكەرلەرىن ءۇي تۇتقىنا الۋ تۋرالى بۇيرىق بەرىلگەن. ەسكە سالا كەتەيىك، 4 - تامىزدا ليۆاننىڭ اسكەري- تەڭىز كۇشتەرى (ا ت ك) بازاسىنا جاقىن بەيرۋت پورتى اۋماعىندا جويقىن جارىلىس بولدى. جارىلىس سالدارىنان قازاقستاننىڭ س ءى م ليۆانداعى قازاقستاننىڭ ديپلوماتيالىق ميسسياسى عيماراتىنا زاقىم كەلگەن. جارىلىس كەزىندە ديپلوماتيالىق ميسسيانىڭ قىزمەتكەرلەرى جۇمىس كۇنى اياقتالعاننان كەيىن كەڭسەدەن كەتىپ قالعان. كونسۋل جۇمىستا بولعاندىقتان جارىلىس تولقىنى كەزىندە جەڭىل جاراقات الدى.
ق ر پرەزيدەنتى قاسىم- جومارت توقايەۆ ليۆان پرەزيدەنتى ميشەل اۋنمەن تەلەفون ارقىلى سويلەسۋى بارىسىندا ليۆانداعى قازاقستاندىقتاردىڭ قاۋىپسىزدىگىن قامتاماسىز ەتۋ جونىندە ءوتىنىش بىلدىرگەن ەدى. بۇعان دەيىن حابارلاعانداي، 5 - تامىز كۇنى بەيرۋت ۋاقىتىمەن ساعات 00:30 دا ليۆاننىڭ دەنساۋلىق ساقتاۋ ءمينيسترى مۇحاممەد حاسان جارىلىستان قازا تاپقاندار سانى 70 كە جەتكەنىن، 4 مىڭعا جۋىق تۇرعىن جاراقات العانىن مالىمدەدى. الەم ەلدەرىنىڭ، حالىقارالىق ۇيىمداردىڭ باسشىلارى مەن پرەمەر- مينيسترلەرى بەيرۋتتاعى جارىلىسقا بايلانىستى ليۆان حالقىنا كوڭىل ايتىپ، شۇعىل كومەك كورسەتۋگە دايىن ەكەنىن ءبىلدىردى. 5 - تامىز كۇنى جارىلىستىڭ نەدەن شىقانى انىقتالدى. بيلىك مالىمدەمەسىنە سايكەس، اممونيي نيتراتىنىڭ ۇلكەن پارتياسى (اممياك سەليتراسى دەپ تە اتالايدى) پورتتا ۇزاق ۋاقىت ساقتالىپ، قاۋىپسىزدىك تالاپتارى ساقتالماعان.