تۇركيادا تۇتقىندالعاندار سانى 113 مىڭعا جەتتى
ونىڭ ىشىندە 47,1 مىڭ ادام فەتحۋللاح گۇلەن نەگىزىن قالاعان FETO ۇيىمىمەن بايلانىسى بار دەگەن كۇدىككە ىلىنگەن.
تۇتقىندالعاندار اراسىندا 10,7 مىڭ پوليتسيا قىزمەتكەرى، 7,6 مىڭ اسكەري، 168 گەنەرال، 2,5 مىڭ سۋديا مەن پروكۋرور، 208 شەنەۋنىك، 26,1 مىڭ ازامات بار.
سونداي-اق 65 مىڭ ادام بوستاندىققا جىبەرىلگەن. ولاردىڭ 41,5 مىڭى قۇقىق قورعاۋ ورگاندارىنىڭ باقىلاۋىندا. 330 ادامنىڭ ءىسى سوتقا جىبەرىلگەن. ولار ءومىر بويى باس بوستاندىعىنان ايىرىلۋى مۇمكىن.
2016-جىلدىڭ 15-ماۋسىمىندا تۇركيادا مەملەكەتتىك توڭكەرىس جاساماق بولعاندار 230 ادامدى جەر جاستاندىرىپ، 2,1 مىڭ ادامدى جاراقاتتاعان بولاتىن. وسىدان كەيىن بيلىك ورگاندارىندا، ارنايى قىزمەتتەردە، سوتتاردا، اسكەردە، ءبىلىم ۇيىمدارىندا «جاپپاي تازالاۋ» جۇمىستارى قولعا الىندى.
انكارا بۇل ءىستى ۇيىمداستىردى دەپ فەتحۋللاح گۇلەندى ايىپتادى. گۇلەن 1999-جىلدان بەرى ا ق ش- تا تۇرادى. ول ءوزىنىڭ بۇل ىسكە قاتىسى جوقتىعىن ايتۋدان تانباي كەلەدى.