ۆالەريو پيروددي (Valerio Piroddi) ءوزىنىڭ تۋعان كۇنىن وتباسىمەن جانە كورشىلەرىمەن بىرگە قارسى الدى. قارتتىڭ ەكى بالاسى، التى نەمەرەسى جانە بەس شوبەرەسى بار، دەپ حابارلادى دۇيسەنبىدە The Local.
حالىقارالىق ۇزاق جاسايتىندار قوعامىنىڭ پرەزيدەنتى روبەرتو پيليدىڭ (Roberto Pili) پىكىرىنشە، يتالياندىقتاردىڭ ەۋروپانىڭ قارت تۇرعىندارى بولۋلارىنا مۇمكىندىكتەر جەتەرلىك.
«ال پيرودديدىڭ جۇرەك سوعىسى جانە ەستە ۇستاۋ قابىلەتى تاماشا»، - دەيدى ول. ۇزاق ءومىر ءسۇرۋشى كۇن سايىن تازا اۋادا سەرۋەندەيدى جانە 85 جاسقا دەيىن فەرمادا جۇمىس ىستەگەن.
ەر ادام ءارقاشان دۇرىس تاماقتانۋعا كوڭىل بولەدى، وسىمدىكتەردەن جاسالعان تاعامدارعا اۋەس، ىرىمشىك پەن بالمۇزداقتى جاقسى كورەدى، مەرەكە كۇندەرى شاراپتان دا ۇرتتاپ قوياتىندىعى بار.