ول جالعان كەپىل قۇجاتتارىن جاساۋ ارقىلى 110 ميلليون تەڭگە تاپقان.
«كۇدىكتى بۇرىن قىلمىستىق جاۋاپكەرشىلىككە تارتىلماعان. ول ءوزىنىڭ «كاديللاك ەسكالەيد» اۆتوكولىگىنىڭ VIN كودىن وزگەرتىپ، اتالعان كولىكتى باسقا مەملەكەتتەن ەلگە ەندى عانا اكەلىنگەندەي ەتىپ كورسەتكەن. سونىمەن قاتار كولىكتى بىرنەشە رەت تۋىستارىنا جانە دوستارىنا تىركەگەن. ءارى قاراي ول قۇجاتتارى جاڭارتىلعان كولىكتى لومباردقا اپارىپ، اۆتوكولىكتى كولىك جۇرگىزۋ قۇقىعىمەن كەپىلگە قويدى. قاراپايىم تىلمەن ايتقاندا، جوق ءدجيپتىڭ قۇجاتتارىن كەپىل رەتىندە قالدىرىپ، قوماقتى سومانى يەمدەنگەن. وسىلايشا الاياق قالاداعى ءتورت لومباردتى الداعان»، - دەدى الماتى قالاسىنىڭ پ د تەرگەۋ باسقارماسى باستىعىنىڭ ورىنباسارى مۇحامەدالي سەيسەن ۇلى.
قازىر ونىڭ ۇستىنەن ق ر ق ك- ءنىڭ 190-بابىنىڭ 4-بولىگىنىڭ 2-تارماعى بويىنشا (اسا ءىرى كولەمدە جاسالعان الاياقتىق) ءىس قوزعالدى.