بۇل جايىندا وبلىس اكىمىنىڭ باسپا ءسوز قىزمەتىنە سىلتەمە جاساپ قازاقپارات حابارلايدى.
ەلىمىزدەگى ەپيدەميالىق احۋالعا بايلانىستى بۇگىنگى تاڭدا مەكتەپ وقۋشىلارىن قاشىقتان وقىتۋ ماڭىزدى. دەگەنمەن، ول ءۇشىن كومپيۋتەرلەر مەن نوۋتبۋكتار، سمارتفوندار مەن پلانشەتتەر قاجەت. «ءبىلىم- يننوۆاتسيا» ليتسەيلەرى سۋ تاسقىنىنان زارداپ شەككەن جانە از قامتىلعان وتباسىلاردىڭ بالالارىنا پلانشەت تابىستادى.
«ەلىمىزدە قانداي قيىن جاعداي بولماسىن، ۇرپاعىمىزعا ساپالى ءبىلىم بەرۋدى جالعاستىرۋعا ءتيىسپىز. بۇل - مەملەكەتىمىزدىڭ بولاشاعى ءۇشىن وتە وزەكتى. سۋ تاسقىنىنان زارداپ شەككەن ماقتاارالدىق وقۋشىلاردىڭ ءبىلىم الۋىنا جاعداي جاساپ، ۇلكەن كومەك بەرىپ جاتقان «ءبىلىم- يننوۆاتسيا» قورى مەن ليتسەيلەرىنە اۋدان جۇرتشىلىعى اتىنان ريزاشىلىعىمدى بىلدىرەمىن!»، - دەيدى اۋدان اكىمى باقىت اسانوۆ.
ايتا كەتەيىك، اتالعان قايىرىمدىلىق شاراسى «ءبىلىم- يننوۆاتسيا» قورى مەن ليتسەيلەرى جۇزەگە اسىرعان جالعىز يگىلىكتى ءىس ەمەس. بۇعان دەيىن قور 100 وتتەگى كونتسەنتراتىن ەلىمىزدىڭ بارلىق ايماعىنداعى وبلىستىق اۋرۋحانالارعا جەتكىزگەن بولاتىن.