نىساننىڭ اشىلۋىنا بايلانىستى قۇلسارى قالاسىنىڭ تۇرعىندارى ءۇشىن 30 جۇمىس ورنى پايدا بولدى.
«جىلىجايدىڭ اۋماعى 2 گەكتاردى قۇرايدى. مامانداردى وقىتۋمەن تاجىريبەلى اگرونومدار جانە گوللانديادان كەلگەن ماماندار اينالىستى. زاماناۋي قۇرىلعىلارمەن جابدىقتالعان جىلىجايدا تامشىلاپ سۋارۋ ءادىسى قولدانىلۋدا. جىلىجايعا ارنالعان قۇرالدار مۇناي كومپانيالاردىڭ ءبىرىنىڭ قولداۋىمەن ساتىپ الىنىپ، 2 ميلليون ەۋرو جۇمسالدى. ال قۇرىلىستى كاسىپكەردىڭ ءوزى جەكە قاراجاتى ەسەبىنەن قارجىلاندىردى. نىساننىڭ اشىلۋىنا بايلانىستى قۇلسارى قالاسىنىڭ تۇرعىندارى ءۇشىن 30 جۇمىس ورنى پايدا بولدى»، - دەدى باستاماشى، «اتىراۋ- ساۋدا» ج ش س ديرەكتورىنىڭ ءالىمجان بايجىگىتوۆ.
العاشقى ءونىم بىرنەشە ايدان كەيىن الىنباق. كوكونىستەردىڭ باعاسى جەرگىلىكتى تۇرعىندار ءۇشىن قولجەتىمدى بولادى.
ءوڭىر باسشىسى نۇرلان نوعايەۆ جىلىوي اۋدانىنا جاساعان ساپارى كەزىندە جىلىجايعا بارعان بولاتىن. وبلىس اكىمى جاۋاپتى تۇلعالارعا ءوڭىردىڭ اۋىل شارۋاشىلىعى سالاسىن دامىتۋعا بايلانىستى ءبىرقاتار تاپسىرمالار بەردى.
ايتا كەتەيىك، اتىراۋ وبلىسىندا جىلىجاي اشۋعا نيەتتى كاسىپكەرلەر سانى جىل ساناپ ارتىپ كەلەدى.