11 ايدا قازاقستان ەكونوميكاسى %4,9 ءوستى

  ق ر ۇلتتىق ەكونوميكا ءمينيسترى الىبەك قۋانتىروۆ قاڭتار-قاراشا ايلارىنداعى ەلدىڭ الەۋمەتتىك-ەكونوميكالىق دامۋ قورىتىندىسىن باياندادى .

ءمينيستردىڭ ايتۋىنشا، بيىلعى قاڭتار-قاراشا ايلارىندا قازاقستان ەكونوميكاسىنىڭ ءوسۋ قارقىنى %4,9 عا جەتكەن. ونىڭ ىشىندە ناقتى سەكتور %3,5 كە، ال قىزمەت كورسەتۋ سالاسى %5,6 كە ءوستى.

«سالالار اراسىندا ەڭ جوعارى ءوسىم قۇرىلىس، ساۋدا، اقپارات جانە بايلانىس، سونداي-اق كولىك جانە قويمالاۋ قىزمەتىندە بايقالدى. نەگىزگى كاپيتالعا سالىنعان ينۆەستيتسيالاردىڭ ءوسۋ قارقىنى ,6 بولدى. ينۆەستيتسيالار اعىنى اقپارات جانە بايلانىستا - 2,8 ەسە، كولىك جانە قويمالاۋدا - X، ساۋدادا -4، ءبىلىم بەرۋدە -، اۋىل شارۋاشىلىعىندا -، سونداي- اق ونەركاسىپتە -%8,5، ونىڭ ىشىندە وڭدەۋ ونەركاسىبىندە %4,6 ءوستى»، - دەدى ءا. قۋانتىروۆ ۇكىمەتتىڭ بۇگىنگى وتىرىسىندا.

وڭىرلەر اراسىندا ەڭ جوعارعى ءوسىم ماڭعىستاۋ، تۇركىستان، اباي جانە پاۆلودار وبلىستارىندا بايقالدى.

«الدىن الا قورىتىندى بويىنشا 2023-جىلعى قاڭتار- قازاندا سىرتقى ساۋدا تاۋار اينالىمى %2,6 كە ءوسىپ، 114 ميلليارد دوللاردان استى. ەكسپورت 65 ميلليارد دوللارعا، ونىڭ ىشىندە وڭدەلگەن تاۋارلار ەكسپورتى 21 ميلليارد دوللارعا جۋىقتادى. تاۋارلار يمپورتى 49 ميلليارد دوللاردان استى. جالپى، وڭ ساۋدا بالانسى 15 ميلليارد دوللاردان استى»، - دەيدى ۇلتتىق ەكونوميكا ءمينيسترى.

بۇل رەتتە اۋىل شارۋاشىلىعىنىڭ جالپى شىعارىلىمى %8,4 كە تومەندەدى. ەڭ كوپ تومەندەۋدى اقمولا، قوستاناي، سولتۇستىك قازاقستان، پاۆلودار وبلىستارى كورسەتكەن.