بايقوڭىردان 11,6 مىڭ گەكتار جەردى جالدان شىعارۋ ماسەلەسى قارالۋدا

  قىزىلوردا. قازاقپارات - قازاقستان مەن رەسەي مەملەكەتتەرى باسشىلارى بەكىتكەن «بايقوڭىر» عارىش ايلاعى كەشەنىندەگى ارىپتەستىكتى ودان ءارى دامىتۋ تۇجىرىمداماسىنا سايكەس  قىزىلوردا وبلىسىنىڭ اكىمدىگى مەن بايقوڭىر قالاسى اكىمشىلىگى كەشەندى ۇزاقمەرزىمدى دامىتۋدىڭ باعدارلاماسىن ازىرلەۋ ۇستىندە.

 باعدارلامانى جۇيەلى تۇردە جۇزەگە اسىرۋدا قالا دامۋىن قارجىلاندىرۋدىڭ وڭ شەشىلۋى دە اسەر ەتكەنىن ايتا كەتكەن ءجون. بۇگىندە حالىقتى مەديتسينالىق كومەكپەن قامتۋ، بايقوڭىر قالاسى ماڭىنداعى 11,6 مىڭ گەكتار جەردى جالدان شىعارۋ ماسەلەسى كەلىسىم ۇستىندە. سونىمەن قاتار، كەشەندەگى 14 نىساندى وبلىستىڭ كوممۋنالدىق ۆەدوموستۆوسىنا بەرۋ ءۇشىن وتكىزۋ- قابىلداۋ اكتىلەرى جاسالۋدا. بۇل تۋرالى بۇگىن وتكەن بريفينگتە قازاقستان پرەزيدەنتىنىڭ بايقوڭىر كەشەنىندەگى ارنايى وكىلى قىزمەتىن قامتاماسىز ەتەتىن باسقارما باسشىسى باقىتبەك بەكپانوۆ ايتتى، دەپ حابارلادى قازاقپارات ح ا ا ءتىلشىسى.

 «قازىر 2014-2016 -جىلدار اراسىندا «بايقوڭىر» كەشەنىن بىرلەسە پايدالانۋدىڭ جول كارتاسىن جۇزەگە اسىرۋ اياقتالدى. قالاداعى ءبىلىم بەرۋ نىساندارى قازاقستانعا قايتارىلدى. وسىنىڭ شەڭبەرىندە 6 مەكتەپ پەن 1 بالاباقشا ءبىلىم بەرۋدىڭ وتاندىق ستاندارتىنا كوشىرىلدى»، - دەدى ب. بەكپانوۆ.

اۆتور: ەلۋباي اۋەزوۆ