لوس- اندجەلەستە 11 مىڭنان استام جۇمىسشى 24 ساعاتتىق ەرەۋىلگە شىقتى
وڭتۇستىك كاليفورنياداعى ەڭ ءىرى مەملەكەتتىك سەكتور كاسىپوداعى - قىزمەت كورسەتۋ سالاسى قىزمەتكەرلەرىنىڭ حالىقارالىق كاسىپوداعى /SEIU/ local 721 فەيسبۋكتە «ادىلەتسىز ەڭبەك تاجىريبەسىنە» بايلانىستى ءبىر كۇندىك ەرەۋىل تۋرالى حابارلادى.
«ءبىز لوس- اندجەلەستىڭ /بيلىكتىڭ/ ادىلەتسىز كەلىسسوزدەر جۇرگىزۋگە جانە ەڭبەك زاڭناماسىن بىرنەشە رەت بۇزۋعا تىرىسۋىن قولايلى دەپ ساناۋدان باس تارتامىز. بۇگىن سىيلاستىقتى تالاپ ەتىپ، ءقادىر- قاسيەتىمىز ءۇشىن كۇرەسۋگە ەرەۋىلگە شىعامىز»، - دەپ اتاپ ءوتتى كاسىپوداق.
ەرەۋىل ۇلكەن جانە كىشى مەملەكەتتىك مەكەمەلەر قىزمەتىن توقتاتادى دەپ كۇتىلۋدە، دەپ جازادى Los Angeles Times گازەتى. بۇل كۇنى قوعامدىق باسسەيندەردىڭ كەم دەگەندە ءبىر بولىگى جۇمىس ىستەمەيدى. قوقىستى شىعارۋ ءبىر كۇنگە توقتاتىلادى. سونداي- اق، قالادا جانۋارلارعا ارنالعان پانالاۋ ورىندارىنىڭ جۇمىسى توقتايدى.
سوڭعى اپتالاردا ا ق ش بۇرىن- سوڭدى بولماعان كاسىپوداق بەلسەندىلىگى مەن ەرەۋىلدەرىن باستان وتكەردى.
كاسىپوداقتار وڭتۇستىك كاليفورنيادا 95 مىڭنان استام ادامنىڭ مۇددەسىن قورعايدى. ونىڭ مۇشەلەرى اراسىندا اۋرۋحانالاردا، باسپانالاردا، پسيحياتريالىق مەكەمەلەردە، سوتتاردا، قۇقىق قورعاۋ ورگاندارىندا، كىتاپحانالاردا، كوشە قىزمەتتەرى مەن ساياباقتاردا، جاعاجايلارعا قىزمەت كورسەتۋ، سانيتارلىق تازالىق، سۋدى تازارتۋ جانە سۋ جيناۋدى باسقارۋ سالالارىندا جۇمىس ىستەيتىن ادامدار بار.