رەسەيدە 10 ادام ۇشاق اپاتىنان كوز جۇمدى، اراسىندا «ۆاگنەر» ج ا ك باسشىسى ەۆگەني پريگوجين بار

تۆەر. قازاقپارات - رەسەي فەدەراتسياسى تۆەر وبلىسى، كۋجەنكينو ەلدى مەكەنىنىڭ ماڭىندا Embraer ۇشاعى اپاتقا ۇشىرادى، دەپ حابارلايدى قازاقپارات تاسس- قا سىلتەمە جاساپ.

ەلدىڭ توتەنشە جاعدايلار مينيسترلىگىنىڭ مالىمەتىنە سايكەس، بورتتا 3 پيلوت پەن 7 جولاۋشى بولدى، بارلىعى قازا تاپتى.

«منت- اەرو» كومپانياسىنا تيەسىلى ۇشاق شەرەمەتيەۆو اۋەجايىنان سانكت-پەتەربۋرگكە بەت العان.

روساۆياتسيا كوز جۇمعان 10 ادامنىڭ ءتىزىمىن جاريالادى. ولاردىڭ اراسىندا «ۆاگنەر» جەكە اسكەري كومپانياسىنىڭ باسشىسى ەۆگەني پريگوجين مەن وزگە دە مۇشەلەرى بار.

ۇشاق اپاتىنان كوز جۇمعاندار ءتىزىمى:

- ەۆگەني پريگوجين؛

- دميتري ۋتكين؛

- سەرگەي پروپۋستين؛

- ەۆگەني ماكاريان؛

- الەكساندر توتمين؛

- ۆالەري چەكالوۆ؛

- نيكولاي ماتيۋسەيەۆ؛

- الەكسەي لەۆشين (اۋە كەمەسىنىڭ كومانديرى)؛

- رۋستام كاريموۆ (ەكىنشى پيلوت)؛

- كريستينا راسپوپوۆا (بورتسەرىك).

«Embraer-135 (EBM-135BJ) ۇشاعى ۇشۋىن اۋە كەڭىستىگىن پايدالانۋعا بەلگىلەنگەن تارتىپپەن بەرىلگەن رۇقساتتىڭ نەگىزىندە جۇزەگە اسىردى»، - دەلىنگەن روساۆياتسيا حابارلاماسىندا.

تاسس-تىڭ اقپاراتىنشا، «Embraer-135 (EBM-135BJ) «ۆاگنەر» ج ا ك نەگىزىن قالاۋشى ەۆگەني پريگوجيننىڭ بيزنەس ساناتتاعى جەكە ۇشاعى بولعان.