مالايزيادا ۇشاق قالا ماڭىنا قۇلاپ، 10 ادام قازا تاپتى
11:25, 18 - تامىز 2023
استانا. قازاقپارات - مالايزيادا جەكە ۇشاق اپاتقا ۇشىراپ، 10 ادام قازا تاپتى، دەپ حابارلايدى قازاقپارات انادولى اگەنتتىگىنە سىلتەمە جاساپ.
اۋە كەمەسى لانگكاۆي حالىقارالىق اۋەجايىنان ۇشىپ شىعىپ، شام الام قالاسىنىڭ ماڭىندا اپاتقا ۇشىراعان.
سالدارىنان 6 جولاۋشىمەن 2 ەكيپاج مۇشەسى، سونىمەن قاتار ۇشاق قۇلاعان ەلدى مەكەننىڭ 2 تۇرعىنى قازا تاپتى.
اقپاراتتى مالايزيانىڭ ازاماتتىق اۆياتسيا باسقارماسى راستادى.
ۆەدومستۆونىڭ حابارلاۋىنشا، وقيعا جەرگىلىكتى ۋاقىت بويىنشا 14:08-دە بولعان. ۇشاق كۋالا- لۋمپۋردەگى سۇلتان ابدۋلازيز اۋەجايىنا باعىت العان.