ءماشھۇر ءجۇسىپتىڭ تاڭدامالى شىعارمالار جيناعىنىڭ 10 تومدىعى جارىق كوردى

پاۆلودار. قازاقپارات - ءماشھۇر ءجۇسىپتىڭ مەرەيتويى اياسىندا عۇلامانىڭ تاڭدامالى شىعارمالار جيناعىنىڭ 10 تومدىعى جارىق كوردى، دەپ حابارلايدى قازاقپارات.

باياناۋىل اۋدانىندا وتكەن سالتاناتتى راسىمدە «ءماشھۇر جول» اۋديو كىتابى دا تانىستىرىلدى.

«مەملەكەت باسشىسى قاسىم-جومارت كەمەل ۇلى توقايەۆ تۇركىستاندا وتكەن ۇلتتىق قۇرىلتايدا سويلەگەن سوزىندە: «ادىلەتتى قازاقستاندى ادال ازاماتتار قۇرادى. بۇل - ءبىر-بىرىمەن وتە تىعىز بايلانىستى ۇعىمدار. وتانعا، وتباسىنا ادالدىق - پاراساتتىلىق پەن ادامگەرشىلىكتىڭ بەلگىسى»، - دەپ اتاپ كورسەتىپ، «ادال ازامات» كونتسەپتسياسىن العا تارتقانى بەلگىلى. سوناۋ ىلكى عاسىرلاردان باستاۋ العان «كەمال ادام» ءىلىمى مەن «تولىق ادام» ۇستىنىنان تامىر تارتىپ، ۇلتتىڭ بولمىسىن قالىپتاستىراتىن وسى ۇلتتىق قاسيەتتەردىڭ اسىل ارقاۋىن جالعاعان بىرەگەي ابىزدارىمىزدىڭ ءبىرى ماشەكەڭ دەپ سانايمىز»، - دەدى جيىندا اقپارات جانە قوعامدىق دامۋ ءمينيسترى دارحان قىدىرالى.