قاۋىننىڭ 10 ءتۇرلى پايدالى قاسيەتى
سونىمەن قاتار بۇل ءونىمنىڭ كالورياسى از. سوندىقتان قازىر ونى كوبىرەك جەۋگە بولادى، دەپ جازدى Tuggeranong Square Medical Practice باسىلىمى.
ەندەشە، قاۋىننىڭ 10 پايدالى قاسيەتىنە توقتالايىق.
سالماق جوعالتۋعا ىقپال ەتەدى
قاۋىن اس قورىتۋدى رەتتەۋگە جانە حولەستەريننەن ارىلۋعا كومەكتەسەتىن تالشىقتارعا باي. ونىڭ كالورياسى دا تومەن. سوندىقتان سالماعىن ازايتىپ، دەنەسىن شىنىقتىرۋدى قالايتىن ادامدار قاۋىندى ءجيى تۇتىنۋىنا بولادى.
دەنەنى ىلعالداندىرادى
قاۋىننىڭ قۇرامىندا سۋ كوپ: شامامەن �. سونىمەن قاتار كاليگە باي. بۇل دەنەدەگى تۇراقتى سۋ دەڭگەيىن ۇستاپ تۇرادى. سوندىقتان قاۋىندى نەگىزىنەن جاز مەزگىلىندە تۇتىنادى.
جۇرەك جۇمىسىن جاقسارتادى
قاۋىن س دارۋمەنى، كالي، حولين جانە تالشىق سياقتى ءارتۇرلى قورەكتىك زاتتارعا باي. بۇل قان قىسىمىن تومەندەتىپ، ينسۋلت قاۋپىن ازايتۋ ارقىلى جۇرەكتى قورعايدى.
قاتەرلى ىسىك قاۋپىن تومەندەتەدى
بۇل جەمىس، سونىمەن قاتار، ءبىزدى ءسۇت بەزى، قۋىق استى، وكپەنىڭ قاتەرلى ىسىگىنەن جانە باسقالاردان قورعايتىن فلاۆونويدتىق كريپتوكسانتينگە باي. قاۋىنداعى س دارۋمەنى مەن ليكوپەن مولشەرى كەيبىر ىسىكتەردىڭ الدىن الۋعا كومەكتەسەدى.
بۇيرەك جۇمىسىنا وڭ اسەر ەتەدى
قاۋىن بۇيرەكتەگى توكسيندەر مەن باسقا دا قالدىقتاردان ارىلۋعا كومەكتەسەدى. ءسويتىپ، بۇيرەك جۇمىسىن جاقسارتادى. قۇرامىنداعى كالي بۇيرەكتە تاس پايدا بولۋىنا جول بەرمەيدى.
قان قىسىمىن رەتتەيدى
عىلىمي زەرتتەۋلەر كالي، ماگني جانە امينقىشقىلدارىنىڭ جوعارى كورسەتكىشى قان قىسىمىن رەتتەۋگە جانە تومەندەتۋگە كومەكتەسەتىنىن كورسەتتى. ال قاۋىن بۇل قورەكتىك زاتتارعا باي.
يممۋندىق جۇيەنى قالىپقا كەلتىرەدى
قاۋىن - يممۋندىق جۇيەنى نىعايتۋعا كومەكتەسەتىن س دارۋمەنىنىڭ قاينار كوزى. س ۆيتامينى باكتەريالاردىڭ جينالۋىنا جول بەرمەيدى جانە دەنەڭىزدى ينفەكتسيالار مەن اۋرۋلاردان قورعايدى.
قابىنۋمەن كۇرەسەدى
انتيوكسيدانتتار اعزاداعى قابىنۋدى جەڭە الادى. قاۋىن باي انتيوكسيدانت كوزى رەتىندە، جاسۋشالاردىڭ وسۋىنە ىقپال ەتەدى جانە قابىنۋدى جانە باسقا دا دەنساۋلىققا پروبلەما تۋدىراتىن بوس راديكالدارمەن كۇرەسەدى.
كوزگە پايدالى
قاۋىن ليۋتەين مەن زەاكسانتينگە باي. ال بۇل - كوز ساۋلىعى ءۇشىن قاجەتتى فيتونۋتريەنتتەر. بۇل جەمىس كورۋدى جاقسارتادى، كاتاراكتا جانە جاسقا بايلانىستى كوز اۋرۋلارىنىڭ الدىن الادى.
قانت ديابەتىنىڭ الدىن الادى
قاۋىننىڭ قۇرامىندا ادام اعزاسىنداعى ينسۋلين ءوندىرىسىن رەتتەيتىن قاسيەت بار. ونىڭ ءدامى ءتاتتى بولسا دا، گليۋكوزاسى تومەن.