2010-2011 -جىلدارى لونگ ايلەند ارالىنىڭ وڭتۇستىك جاعالاۋىنداعى گيلگو بيچ جاعاجايىنان 11 ادامنىڭ ءمايىتى تابىلعان. ولاردىڭ كوبى جاس ايەلدەر ەدى.
ۇزاق جىلدارعا سوزىلعان تەرگەۋدەن كەيىن جۇما كۇنى جەرگىلىكتى پروكۋراتۋرا نەگىزگى كۇدىكتى - نيۋ-يوركتە تۇراتىن رەكس حويەرمانن ەسىمدى 59 جاستاعى ارحيتەكتور ۇستالعانىن حابارلادى.
پوليتسيا ول جەگەن پيسسادان د ن ق العان.
ول قۇربانداردىڭ بىرىنەن تابىلعان ۇلگىمەن سايكەس كەلەتىنى بەلگىلى بولدى. سودان كەيىن كۇدىكتى تۇتقىنعا الىندى.
حويەرماننعا ءۇش ايەلدىڭ ءولىمى بويىنشا بىردەن ءبىرىنشى جانە ەكىنشى دارەجەلى كىسى ءولتىرۋ ايىبى تاعىلدى.
ولار - 2009 -جىلى ولتىرىلگەن مەليسا بارتەلەمي، 2010 -جىلى ولتىرىلگەن مەگان ۋوتەرمان مەن ەمبەر كوستەللو.
سونىمەن قاتار، حويەرمانن 2007 -جىلى جوعالىپ كەتكەن تاعى ءبىر ايەل - مورين برەينارد بارنستىڭ ولىمىندە نەگىزگى كۇدىكتى سانالادى.
بۇل ءتورت ايەل باسپا سوزدە «گيلگو تورتتىگى» دەگەن اتپەن تانىمال.
ولاردىڭ سۇيەكتەرى 2010 -جىلدىڭ جەلتوقسانىندا كەزدەيسوق، سول جىلدىڭ مامىرىندا جوعالىپ كەتكەن 23 جاستاعى شەننەن گيلبەرتتى ىزدەۋ كەزىندە تابىلدى.