سەمەي ورمانىنداعى ءورت: قاراعاندى ۋنيۆەرسيتەتى 10 گرانت ۇسىندى
مۇنداي شەشىمدى ج و و باسشىلىعى قابىلدادى، دەپ حابارلايدى قازاقپارات ءتىلشىسى.
«ءبىزدىڭ ۋنيۆەرسيتەت اباي وبلىسىنىڭ تۇرعىندارىنا اسەر ەتكەن ۇلكەن قيىنشىلىقتان تىس قالا المادى. ولاردى وسىنداي قيىن كەزەڭدە قولداۋ كەرەك دەپ شەشىم قابىلدادىق. وسى ماقساتتا ورمان ورتىنەن زارداپ شەككەن وتباسىلاردان شىققان بالالارعا ۋنيۆەرسيتەت قابىرعاسىندا تەگىن وقۋعا 10 گرانت بەرۋگە دايىنبىز. قازا تاپقانداردىڭ وتباسىلارىنا شىن جۇرەكتەن كوڭىل ايتامىز»، - دەدى ق ا ر ۋ رەكتورى اپپاراتىنىڭ باسشىسى سەرىك قالقامانوۆ.
سونىمەن قاتار ۋنيۆەرسيتەت ۆولونتەرلەرى ورمان ورتىنەن زارداپ شەككەندەرگە گۋمانيتارلىق كومەك جيناۋعا كومەكتەسپەك.
ايتا كەتەيىك، 40 تان استام قازاقستاندىق ج و و ورتتەن زارداپ شەككەن وتباسىلاردىڭ ستۋدەنتتەرىنە ءوز گرانتتارى مەن جاتاقحانالارداعى ورىندارىن بەرۋگە دايىن.