اباي وبلىسىندا ورتتەن زارداپ شەككەن وتباسىلاردىڭ بالالارىنا ۋنيۆەرسيتەتتەن 10 گرانت بولىنەدى
الاپات ءورتتىڭ سالدارىنان زارداپ شەككەن اباي وبلىسىنىڭ تۇرعىندارىنا ەلىمىزدىڭ تۇكپىر-تۇكپىرىندەگى جۇرت جان-جاقتان كومەك كورسەتۋدە. ونىڭ ىشىندە شىعىس قازاقستان حالقى دا كورشى وڭىرگە كەرەك-جاراقتاردى جىبەرىپ، قارجىلاي قولداۋ بىلدىرۋدە. وسى رەتتە، وسكەمەندەگى س. امانجولوۆ اتىنداعى ش ق ۋ- دا قالىس قالمادى.
ج و و قىزىل جالىن كەسىرىنەن قيىن جاعدايعا تاپ بولعان جانۇيالارعا ماتەريالدىق كومەك كورسەتپەك. ۋنيۆەرسيتەتتىڭ ەڭبەك ۇجىمى ءورت سالدارىنان قازا تاپقان ورمان شارۋاشىلىعىنىڭ 14 قىزمەتكەرىنە جانە ازىق-تۇلىكسىز، قۇجاتسىز، قاراجاتسىز قالعان جۇزدەگەن ادامعا ءبىر كۇندىك جالاقىلارىن اۋدارادى.
«كورشى اباي وبلىسىنداعى ءورت - ەلىمىزگە تۇسكەن اۋىر سالماق. جالپىۇلتتىق ازا. مۇندايدا ءار ازامات شەتتە قالماۋى ءتيىس دەپ ەسەپتەيمىز. عىلىمي كەڭەس زارداپ شەككەن وتباسىلاردىڭ بالالارىنا 10 گرانت بەرۋ تۋرالى شەشىم قابىلدادى. ۋنيۆەرسيتەت ۇجىمى مارقۇمداردىڭ جاقىندارى مەن تۋىستارىنا قايعىرا كوڭىل ايتادى»، - دەيدى ۋنيۆەرسيتەت رەكتورى مۇحتار تولەگەن.
ايتا كەتەيىك، بۇگىن سەمەي ورمانىنداعى الاپات ورتتەن قازا بولعانداردى ازا تۇتۋ كۇنى.