دارىگەرلەر الماتىلىق ايەلدىڭ جاتىرىنان 10 كەلىدەن اساتىن ىسىكتى الىپ تاستادى
اۋرۋحاناعا وتە اۋىر جاعدايدا تۇسكەن 56 جاستاعى ناۋقاسقا جاتىر ميوماسى دياگنوزى قويىلدى.
جاتىر ىسىگى جۇكتىلىكتىڭ 40 اپتاسىنا سايكەس كەلدى. ىسىكتىڭ كولەمى ۇلعايعانى سونشالىقتى، ناۋقاستىڭ تىنىس الۋى قيىنداعان. ىسىكتىڭ سالماعى 10 كەلىدەن جوعارى. سونىمەن قاتار، ايەل تاحيكارديا، قانت ديابەتى، قان قىسىمىنىڭ تومەندىگى جانە باسقا دا سوزىلمالى اۋرۋلاردان زارداپ شەگىپ كەلگەن.
وقكا ديرەكتورىنىڭ ورىنباسارى، قاۋىمداستىق پروفەسسورى جاسۇلان بايماحانوۆ، ونكو- گينەكولوگ اليسا باينازاروۆا، كلينيكا ەندوكرينولوگى سالتانات شايداروۆا جانە اناستەزيولوگ- رەانيماتولوگتار بريگاداسى دارىگەرلەرى اقىلداسا كەلىپ، وتا جاساۋ تۋرالى شەشىم قابىلدادى.
«اۋرۋدىڭ كلينيكالىق كورىنىسىن، اتاپ ايتقاندا، جاقىن تۇرعان ورگانداردىڭ قىزمەتىنىڭ بۇزىلۋىن ەسكەرە وتىرىپ، ومىرلىك كورسەتكىشتەر بويىنشا جاتىردى ەكستەرپاتسيالاۋ وتاسى جاسالدى. بۇل وتا جاتىر مويىنىن الىپ تاستاۋ ءۇشىن جاسالدى. وپەراتسيا ەكى ساعاتقا سوزىلدى جانە ءساتتى ءوتتى. قازىر ناۋقاس ءوزىن جاقسى سەزىنەدى، جاعدايى تۇراقتى. جاقىن ارادا ارۋحانادان ۇيىنە شىعارامىز»، - دەيدى گينەكولوگ دارىگەر اليسا باينازاروۆا.
ناۋقاس قازىر ورتالىق قالالىق كلينيكالىق اۋرۋحانانىڭ گينەكولوگيا بولىمىندە ەم قابىلداپ جاتىر.
«20 جىل بۇرىن ىسىك پايدا بولدى، باسىندا كىشكەنتاي بولدى، كەيىن بۇل تۇيىرشىك وسە باستادى. مەن جۇرەگىمدى تەكسەرتۋگە بارسام، ولار ماعان جاتىردى تەكسەرۋ كەرەكتىگىن ايتقان بولاتىن. ءبىراق ول كەزدە مەن ءمان بەرمەدىم. 2021 -جىلى مەن كوروناۆيرۋس ينفەكتسياسىمەن اۋرۋحاناعا ءتۇستىم. دارىگەرلەر مەنى ۋلترادىبىستىق زەرتتەۋگە ءتۇسىرىپ، تولىق تەكسەرىستەن وتكىزگەنەن كەيىن ماماندارعا قارالۋعا كەڭەس بەردى. ءبىراق مەن تاعى ءمان بەرمەدىم. ال، ءىشىمنىڭ ءوسىپ جاتقانىن سالماق قوسىپ، تولىپ بارامىن دەپ ويلادىم. كەيىن قان كەتتى. تەك سول كەزدە عانا مەن دارىگەردىڭ كومەگىنە جۇگىندىم. ماعان م ر ت جاساعان سوڭ وتە ۇلكەن كولەمدەگى ميوما بار ەكەنىن جانە ونى شۇعىل تۇردە وتامەن الىپ تاستاۋ كەرەك ەكەنىن ايتتى»، - دەيدى ايەل.
گينەكولوگ اليسا باينازاروۆانىڭ سوزىنشە، قازىرگى ۋاقىتتا جاتىر ىسىگى كەڭ تاراعان دەرتكە اينالعان. دارىگەر ايەل ادامدار اۋىر دەرتكە شالدىقپاس ءۇشىن گينەكولوگ ماماندارىنا ءجيى كورىنىپ تۇرۋى كەرەك.