بۇل تۋرالى ىشكى ىستەر مينيسترلىگى باسپا ءسوز قىزمەتىنىڭ وكىلى شۇعىلا تۇرلىبەك ايتتى، دەپ حابارلايدى قازاقپارات ءتىلشىسى.
«ءبىر اپتا ىشىندە 2904 قىلمىس جاسالدى، ونىڭ 1788 ى تاۋلىك ىشىندە اشىلدى. پوليتسيا قىزمەتكەرلەرى «ءىزىن سۋىتپاي» 10 كىسى ءولتىرۋدى، 3 ولىمگە اكەپ سوققان دەنساۋلىققا قاساقانا اۋىر زيان كەلتىرۋدى، 2 قاراقشىلىق، 26 توناۋ جانە 393 بوتەن مۇلىكتى ۇرلاۋ قىلمىستارىن اشتى»، - دەدى شۇعىلا تۇرلىبەك ۆەدومستۆونىڭ باسپا ءسوز قىزمەتى الاڭىندا وتكەن بريفينگتە.
سونىمەن قاتار ول جەتىسۋ وبلىسىنداعى اۆتوجولداردا «كريس-پ» فوتورادارلارى جۇمىس ىستەي باستاعانىن اتاپ ءوتتى.
«ءۇش فوتورادار جىلجىمالى كەشەنى جولدارداعى بۇزۋشىلىقتاردى تىركەيدى. بۇل رەتتە پاترۋلدىك پوليتسيا قىزمەتكەرلەرى بۇزۋشىلىقتاردى راسىمدەمەيدى. «كريس-پ» دەرەكتەرى باس پروكۋراتۋرانىڭ اكىمشىلىك قۇقىق بۇزۋشىلىقتار بازاسىن اۆتوماتتى تۇردە تولىقتىرادى. پوليتسەيلەر اۆتوكولىك قۇرالدارىنىڭ جۇرگىزۋشىلەرىن جول قوزعالىسى ەرەجەلەرىن مۇلتىكسىز ساقتاۋعا جانە ءبىرىنشى كەزەكتە جىلدامدىق رەجيمىن اسىرماۋعا شاقىرادى»، - دەدى مينيسترلىك وكىلى.