قازاقستاننىڭ ەكى مەگاپوليسى مەن 10 وبلىسىندا اۋا رايىنا بايلانىستى ەسكەرتۋ جاريالاندى
11-ساۋىردە جەتىسۋ وبلىسىنىڭ وڭتۇستىك، ورتالىق جانە تاۋلى ايماقتارىندا نوسەر جاڭبىر جاۋىپ، كۇن كۇركىرەپ، بۇرشاق جاۋۋى مۇمكىن. وبلىستىڭ سولتۇستىگى، شىعىسىنا باتىستان جەل سوعىپ، ەكپىنى 15-20، كەي جەرلەردە 23-28 م/س جەتەدى. تالدىقورعاندا نوسەر جاۋىن جاۋىپ، كۇن كۇركىرەپ، نايزاعاي ويناۋى مۇمكىن. باتىستان سوققان جەلدىڭ جىلدامدىعى 15-20 م/س بولادى.
11-ءساۋىر تۇندە تۇركىستان وبلىسىنىڭ تاۋلارىنا جاۋىن- شاشىن (جاڭبىر، قار) تۇسەدى. وڭتۇستىك، باتىس، تاۋلى جانە تاۋ باۋرايىنداعى اۋدانداردا كۇن كۇركىرەپ، تاۋلى اۋدانداردا بۇرشاق جاۋادى. سولتۇستىك- باتىستان سوققان جەلدىڭ جىلدامدىعى سەكۋندىنا 15-20 مەترگە جەتەدى.
شىمكەنتتە 11-ءساۋىر تۇندە جانە تاڭەرتەڭ كۇن كۇركىرەپ، نايزاعاي ويناۋى مۇمكىن. سولتۇستىك- باتىستان سوققان جەل 15-20 م/س بولادى. تۇركىستاندا 11-ساۋىردە ءتۇننىڭ العاشقى بولىگىندە كۇن كۇركىرەيدى. سولتۇستىك- باتىستان جەل سوعىپ، ەكپىنى 15-20 م/س جەتەدى.
اقمولا وبلىسىنىڭ سولتۇستىك، شىعىسىنا سولتۇستىك- باتىستان جەل سوعادى، جىلدامدىعى - 15-20 م/س.
11-ءساۋىر تاڭەرتەڭ ماڭعىستاۋ وبلىسىنىڭ باتىسى مەن وڭتۇستىگىندە كۇن كۇركىرەۋى مۇمكىن. وبلىستىڭ سولتۇستىك- باتىسىندا تۇندە تۇمان تۇسەدى. سولتۇستىك- باتىستان سوققان جەل وڭتۇستىك- باتىسقا اۋىسىپ، كۇندىز وبلىستىڭ وڭتۇستىگىندە، شىعىسىندا جىلدامدىعى 15-20 م/س بولادى.
اباي وبلىسىنىڭ وڭتۇستىك- باتىسى، سولتۇستىگىندە وڭتۇستىك- باتىستان جەل تۇرىپ، سولتۇستىك- باتىسقا اۋىسادى دەگەن بولجام بار. ەكپىنى - 15-20 م/س. سەمەيدە 11-ساۋىردە وڭتۇستىك- باتىستان جەل سوعادى، كۇندىز ەكپىنى 15 م/س جەتەدى.
كۇندىز ۇلىتاۋ وبلىسىنىڭ شىعىسىندا، ورتالىعىندا سولتۇستىك- باتىستان، باتىستان جىلدامدىعى 15-20 م/س جەل تۇرادى. جەزقازعاندا 11-ساۋىردە سولتۇستىك- باتىستان، باتىستان ەكپىنى 15-20 م/س جەل سوعادى.
11-ساۋىردە قاراعاندى وبلىسىنىڭ وڭتۇستىگى، شىعىسىندا باتىستان، سولتۇستىك- باتىستان جەل سوعىپ، جىلدامدىعى 15-20 م/س بولادى.
كۇندىز پاۆلودار وبلىسىنىڭ كوپ بولىگىندە جىلدامدىعى 15-20 م/س سولتۇستىك- باتىستان جەل تۇرادى. پاۆلوداردا 11-ءساۋىر كۇندىز سولتۇستىك- باتىستان جەل سوعادى، ەكپىنى - 15-20 م/س.
11-ساۋىردە باتىس قازاقستان وبلىسىنىڭ سولتۇستىك- شىعىسى، سولتۇستىگىندە توپىراق بەتىندە 3 گرادۋس ۇسىك جۇرەدى. ورالدا 11-ساۋىردە تۇندە توپىراق بەتىندە 3 گرادۋس ۇسىك ءجۇرۋى مۇمكىن.
الماتى وبلىسىنىڭ وڭتۇستىك، تاۋلى ايماقتارىندا جاۋىن-شاشىن (جاڭبىر، قار) جاۋادى. وبلىستىڭ وڭتۇستىك بولىگىندە كۇن كۇركىرەپ، بۇرشاق جاۋادى. باتىستان، سولتۇستىك- باتىستان سوققان جەلدىڭ جىلدامدىعى وبلىستىڭ وڭتۇستىك بولىگىندە 17-22 م/س جەتەدى، كەي جەرلەردە 25 م/س بولادى. الماتىدا كەي جەرلەردە نوسەر جاۋىن، نايزاعاي ويناۋى مۇمكىن. باتىستان، سولتۇستىك- باتىستان سوققان جەلدىڭ جىلدامدىعى - 15 م/س. قونايەۆتا 11-ساۋىردە كەي جەرلەردە كۇن كۇركىرەپ، نايزاعاي وينايدى. باتىستان، سولتۇستىك- باتىستان سوققان جەلدىڭ جىلدامدىعى سەكۋندىنا 15-20 مەترگە جەتەدى.