بەسىنشى قاباتقا اتپەن شىققان قاراعاندىلىق 10 كۇنگە قامالۋى مۇمكىن - ۆيدەو

قاراعاندى. قازاقپارات - ات ۇستىندە وتىرىپ، كوپقاباتتى ءۇيدىڭ باسپالداعىمەن جوعارى كوتەرىلگەن قاراعاندىلىق 10 كۇنگە تۇرمەگە قامالۋى مۇمكىن، دەپ حابارلايدى قازاقپارات رolisia.kz-كە سىلتەمە جاساپ.

«قاراعاندى وبلىسى اقتوعاي اۋداندىق پوليتسيا ءبولىمىنىڭ قىزمەتكەرلەرى 51 جاستاعى شاشۋباي كەنتىنىڭ تۇرعىنىن انىقتادى. وعان قاتىستى ق ر اكىمشىلىك قۇقىق بۇزۋشىلىق تۋرالى كودەكستىڭ 434-بابىمەن حاتتاما تولتىرىلىپ، ماتەريال شەشىم قابىلداۋ ءۇشىن سوتقا جىبەرىلدى.

ەر ادامعا قۇقىق بۇزۋشىلىق ارەكەتى ءۇشىن 5 ا ە ك (17250 تەڭگە) مولشەرىندە ايىپپۇل سالىنادى نەمەسە 10 تاۋلىككە اكىمشىلىك قاماۋعا الىنادى»، - دەلىنگەن پوليتسيا مالىمەتىندە.

ۆيدەو تيك-توك جەلىسىندە تاراعان. ەر ادام اتپەن 5-قاباتقا باسپالداقپەن شىعىپ، ونىسىن ۆيدەوعا تۇسىرگەن.