ءبىراق ارمانىڭىزداعى ماماندىقتىڭ تابىسى دا جاقسى، وقۋدان كەيىن بىردەن جۇمىس تابىلاتىنداي دا بولۋى شارت. قازىرگى ۋاقىتتا سۇرانىسقا يە 10 ماماندىقتى ۇسىنامىز.
ساتۋ بويىنشا مەنەدجەر
بۇل ساتۋ بىلەتىن جانە ساتقىسى كەلەتىندەرگە ارنالعان جۇمىس. قارجىلىق- ەكونوميكالىق نەمەسە مەنەدجمەنت سالاسىنداعى جوعارعى ءبىلىم ايتارلىقتاي پليۋس بولادى، ءبىراق مۇنداي جۇمىس بايلانىس ماماندارىنا دا كەلەدى. كەي سالالاردا ساتۋ جونىندەگى مەنەدجەر رەتىندە مەنەدجەر ماماندىعىن وقىعان ادامدى ەمەس، سول سالانىڭ ادامىن الادى. مىسالى: مەديتسينالىق قۇرالداردى ساتۋ ءۇشىن دارىگەرگە نە كومەكتەسەتىن تۇسىنەتىن مەديكتى العاندى ءجون كورەدى. ءوز ءبىلىمىڭىز بەن داعدىڭىزدى شىڭداپ، ساتۋدىڭ ءتيىمدى تەحنيكالارىن مەڭگەرۋ ءۇشىن قوسىمشا ترەنينگتەر مەن كۋرستاردان ءوتۋدى ۇسىنامىز.
ستيليست
قازىر قازاقستاندا ستيليست ماماندىعى قارقىندى دامىپ جاتىر. ەگەر ادەمى ءارى ءستيلدى كيىنگەندى جاقسى كورسەڭىز، ءسان الەمىنە قىزىعۋشىلىعىڭىز بولسا، ءوزىڭىزدى وسى سالادا دامىتىڭىز. ستيليست ءۇشىن تەك دارىنى مەن شەبەرلىك دەڭگەيى ەمەس، سونداي-اق جەكە برەندتىڭ بولۋى ماڭىزدى. كليەنتتەر تانىيتىن ادامىنا كەلەدى. سوندىقتان ءوزىڭىزدى كاسىبي مامان رەتىندە جارنامالاۋ كەرەكسىز. الەۋمەتتىك جەلىدە پاراقشاڭىزدى دامىتىپ، ءوز ستيلىڭىزبەن ەرەكشەلەنىڭىز. ودان سوڭ ستيليست رەتىندە تۇسىرىلىمدەردى ۇيىمداستىرۋ، كليەنتتەرمەن شوپپينگكە شىعۋ، دۇكەندەردى جارنامالاۋ جانە كليەنتتەردىڭ گاردەروبىنا تالداۋ جاساۋ ارقىلى جاقسى اقشا تابا الاسىز.
ۆەب-ديزاينەر
بۇل قازىر دە، الداعى جىلدارى دا سۇرانىسقا يە بولاتىن ماماندىق. ءوز داعدىلارىڭىزدى كەز كەلگەن باعىتتا قولدانا الاسىز. ۆەب- ديزاينەرلەر ساۋلەت ماكەتتەرىن وڭدەۋمەن جانە ينتەرنەت-سايتتاردىڭ سىرتقى ءتۇرىن، ءموبيلدى قوسىمشالار مەن كومپيۋتەرلىك ويىنداردىڭ ينتەرفەيسىن جاساۋمەن اينالىسادى. بۇل سالادا جوعارى ءبىلىمنىڭ بولۋى ارتىقشىلىق بولىپ سانالادى، ءبىراق يكەمىڭىز بەن قىزىعۋشىلىعىڭىز بولسا، قوسىمشا كۋرستاردان ۇيرەنۋگە دە بولادى. بۇل ماماندىقتىڭ ءبىر ارتىقشىلىعى - كەڭسەگە بارىپ جۇمىس ىستەۋ مىندەتتى ەمەس.
ماركەتولوگ
ماركەتولوگتار كەز كەلگەن كومپانياعا كەرەك. ماركەتولوگتار ءونىمنىڭ تۇجىرىمداماسىن جاسايدى، ولاردى ورنالاستىرۋ جانە جىلجىتۋمەن اينالىسادى، ماقساتتى اۋديتوريانىڭ پورترەتتىك پروفيلدەرىن قۇراستىرادى، جارناما ستراتەگياسىن ازىرلەيدى جانە ونىڭ ورىندالۋىن باقىلايدى. ماركەتولوگتىڭ مىندەتى - كومپانيانىڭ تابىسىن ارتتىرۋ.
كوسمەتولوگ
بۇل جەردە ەكى باعىت بار: مەديتسينالىق ءبىلىمى بار دارىگەر-كوسمەتولوگ جانە ارنايى كۋرستاردى عانا وقىعان كومەتولوگ. ينەكتسيالىق پروتسەدۋرالاردى جاساۋعا تەك دارىگەردىڭ قۇقىعى بار. ال مەديتسينالىق ءبىلىمى جوق كوسمەتولوگ ماسكالار، ماسساج، قاس جانە تاتۋاج جاساي الادى. وسىعان قاراي، جالاقىدا ءارتۇرلى بولادى. سۇلۋلىق سالوندارىندا، ەستەتيكالىق كوسمەتولوگيالىق ورتالىقتارىندا جۇمىس ىستەۋگە نەمەسە ءوز كەڭسەڭىزدى اشۋعا بولادى.
مۇعالىم
مۇعالىمدەرگە سۇرانىس ءارقاشان بولادى. بۇرىن بۇل جۇمىستىڭ قيىندىعى مەن جالاقىسىنىڭ وعان ساي كەلمەۋى كوپتەگەن مەكتەپ بىتىرۋشىلەردى شوشىتاتىن. ءبىراق قازىر مۇعالىمدەردىڭ جالاقىسىن جىلدان جىلعا ارتتىرىپ جاتىر. مۇعالىم بولىپ جۇمىسقا كىرۋ ءۇشىن مىندەتتى تۇرجە جوعارى پەداگوگيكالىق ءبىلىمىڭىز بولۋى كەرەك.
ستوماتولوگ
ستوماتولوگ - سۇرانىسقا يە جانە جوعارى تولەماقى بەرىلەتىن ماماندىق. شىنى كەرەك، ستوماتولوگيالىق پروتسەدۋرالار وتە قىمبات تۇرادى. بارلىق ادامنىڭ ومىرىندە ءبىر رەت بولسىن، ءتىسى اۋىراتىنىن انىق. وعان قوسا، ستوماتولوگتاردىڭ جۇمىسى باسقا سالاداعى دارىگەرلەردىكىنە قاراعاندا تىنىش.
كوپيرايتەر
سالىستىرمالى تۇردە جاڭا ماماندىق دەۋگە بولادى. ينتەرنەتتىڭ جانە الەۋمەتتىك جەلىلەردىڭ دامۋىمەن كوپيرايتەر ماماندىعىنا سۇرانىس كوبەيدى. ولار جارنامالىق ماتىندەر، سلوگاندار، روليكتەرگە ارنالعان سەناريلەر، ءونىم سيپاتتاماسىن، بلوگتار جانە الەۋمەتتىك جەلىلەردەگى پاراقشالارعا جازبا جازادى.
بيوتەحنولوگ
بيوتەحنولوگتار جانە گەندىك ينجەنەريا باعىتتىڭ ءبىر ءتۇرى رەتىندە قارقىندى دامىپ كەلەدى. بۇل سالادا ايەل- عالىمدار وتە كوپ. ەگەر عىلىمي جۇمىستارعا قىزىعۋشىلىعىڭىز بولسا جانە الەمدى وزگەرتكىڭىز كەلسە، بيوتەحنولوگياعا ءمان بەرىڭىز. وتە كوپ جانە ۇزاق وقۋ كەرەك بولادى. اعىلشىن ءتىلىن دە مەڭگەرىپ العان دۇرىس. بۇل شەتەلدىك كومپانيالاردا جۇمىس ىستەۋگە جانە الەم بويىنشا ارىپتەستەرىڭىزبەن تانىسۋعا مۇمكىندىك بەرەدى.
دارىگەر
مەديتسينا - ادامدارعا اركەز كەرەك بولاتىن سالا. بۇل قۇرمەتتى جانە ابىرويلى ماماندىق. مەملەكەتتىك جانە جەكە كلينيكالارداعى جالاقى دەڭگەيىنىڭ ايىرماشىلىعى بار.
massaget.kz