جوبالاردى اياقتاۋ
باستاعان كەزدە شابىتتانىپ، كەيىن اياقتاماي تاستاي سالعان ءىستى جۇيەلەۋ كەرەك. ونى قاراپ شىعىڭىز، نە ىستەۋگە بولاتىنىن جوسپارلاپ، قولعا الىڭىز. سوندا جان تىنىشتىعىن سەزىنەسىز.
بايلانىستاردى قالپىنا كەلتىرۋ
ءومىردىڭ قارقىنى ارتقان سايىن جاقىن- جۋىققا كوڭىل ءبولۋ سيرەي تۇسەدى. دوسىڭىزبەن نەمەسە وتباسىڭىزبەن ادەمى قاتىناسىڭىزدى قايتا جاڭعىرتۋ ءۇشىن جاي عانا قوڭىراۋ شالىڭىز نەمەسە ەلەكتروندى پوشتاعا حات جىبەرىڭىز. ەگەر ءسىز ەسكى بايلانىستاردى قالپىنا كەلتىرۋگە كۇش سالساڭىز، بۇل شەشىمىڭىزگە وكىنبەيسىز.
قوناق كۇتۋ
ءوزىڭىزدىڭ جانە جاقىندارىڭىزدىڭ كوڭىل كۇيىن كوتەرۋ ءۇشىن مەرەكەلىك كەش ۇيىمداستىرىڭىز. بۇل اركىمنىڭ جانىن جىلىتادى! كۇندەلىكتى جۇمىستان ءسال تىنىعىڭىز.
دارىگەرگە قارالۋ
ارينە، ەشكىم دارىگەرگە قارالۋدى جاڭا جىل مەرەكەسىمەن بايلانىستىرماسى انىق. ءبىراق دەنساۋلىعىڭىزدى كۇتۋ كوڭىلدى كەشكە كويلەك الۋدان ماڭىزدى. ەگەر ءسىز بىرنەشە تازالاۋدى نەمەسە دارىگەرمەن جوسپارلانعان كەزدەسۋدى وتكىزىپ الساڭىز، بۇل جاقسى ەمەس، سوندىقتان مۇمكىندىگىنشە تەزىرەك ءتىس دارىگەرىمەن نەمەسە تەراپيەۆتپەن حابارلاسىڭىز.
سپورتقا ورالۋ
كوپشىلىگى جاتتىعۋ جاساپ باستاۋدى 1-قاڭتارعا نەمەسە ودان كەيىن جوسپارلايدى. ءبىراق نەگە ەرتەرەك باستاماسقا؟ بۇل الدەقايدا وڭاي بولادى. جاڭا جاتتىعۋ باعدارلاماسىن قازىردەن باستاساڭىز، ءسىز جاڭا جىلدىڭ باسىندا جاقسى فورمادا بولاسىز.
ءۇي تازالاۋ
كوبىسى تازالىقتى جىلىنا ءبىر رەت جاسايدى، ءتىپتى سولاي بولعاننىڭ وزىندە، ونى جاڭا جىلعا دەيىن جوسپارلاۋ جامان يدەيا ەمەس. پروبلەمالىق ايماقتاردى انىقتاڭىز جانە كىلەمدەرىڭىزدى نەمەسە ديۆاندارىڭىزدى حيميالىق تازالاۋ قاجەت بولۋى مۇمكىن ەكەنىن ەسكەرىڭىز.
قاجەت ەمەس زاتتاردى ساتۋ
سىزگە قاجەت ەمەس زاتتاردى ساتۋ وتە جاقسى يدەيا، ال قىسقى ماۋسىمدا بۇل ەكى ەسە پايدالى، ويتكەنى دەمالىس كۇندەرگى ءجۇرىس-تۇرىسىڭىزدى وتەۋگە كومەكتەسەدى. ەسكى كىتاپتاردى، پلاستينكالاردى، ەلەكترونيكانى، كيىم-كەشەكتەر سىندى باسقا بىرەۋگە پايدالىراق بولادى دەپ ويلايتىن نارسەنى ساتىڭىز. بۇل جىل سوڭىنا دەيىن ءبىراز اقشا تابۋعا جانە قاجەتسىز نارسەلەردەن ارىلۋعا كومەكتەسەدى.
بيۋدجەت جوسپارى
مەرەكە قارساڭىندا وتىرىپ، قارجىلىق جاعدايىڭىزدى باعالاڭىز. ەگەر ءسىز وسى جىلى تىم كوپ جۇمساعان بولساڭىز نەمەسە جەتكىلىكتى تۇردە جيناماعان بولساڭىز، كەيبىر شىعىنداردى قىسقارتۋ جوسپارىن جاساڭىز جانە اقشا ۇنەمدەۋ ءۇشىن ستراتەگيالار قۇرىڭىز. قانداي قاجەتتىلىكتەرگە قانشا اقشا ءبولۋ كەرەك ەكەنىن جانە دەمالىسقا نەمەسە باسقا دا جاعىمدى نارسەلەرگە قانشا جۇمساۋعا بولاتىنىن انىقتاڭىز.
قايىرىمدىلىق
وزىڭىزگە ۇنايتىن ۇيىمعا قايىرىمدىلىق جاساڭىز. مەرەكە كۇندەرى قورلاردا ادەتتەگىدەن كوپ شىعىندار بولۋى مۇمكىن. ءسىز ولارعا كومەك رەتىندە سىيلىقتار جاساي الاسىز. نەمەسە وزىڭىزگە كەرەك ەمەس زاتتاردىڭ ىشىنەن وزگەلەر تۇتۋعا كەلەتىندەرىن بەرسەڭىز بولادى.
تاماق تانۋ جوسپارى
جەلتوقسان ايىندا جاي وتىرماي، تاماقتانۋ جوسپارىن جاساڭىز. تاماقتارىڭىز قاعازعا تۇسكەندە، تاماقتانۋ ادەتتەرىڭىز قانشالىقتى دۇرىستالاتىنىن تۇسىنەسىز. بۇل ءال-اۋقات ءۇشىن دە، ءاميان ءۇشىن دە پايدالى.
ماسساگەت