Numbeo مالىمەتتەرى بويىنشا، قالا ورتالىعىنداعى تۇرعىن ءۇي قۇنى بويىنشا ەلدەر رەيتينگىسىندە قازاقستان باعاسى ەڭ تومەن 10 ەلدىڭ قاتارىنا كىردى، دەپ حابارلايدى قازاقپارات Finprom.kz سايتىنا سىلتەمە جاساپ.
ەلىمىزدە قالا ورتالىعىنداعى تۇرعىن ءۇيدىڭ شارشى مەترى ورتاشا ەسەپپەن 927,2 ا ق ش دوللارى بولادى. بۇل - رەيتينگىدەگى 106 ەلدىڭ ىشىندە 10-ورىن. قازاقستاننان باسقا ت م د- نىڭ بىردە- ءبىر ەلى باعاسى تومەن 10 ەلدىڭ قاتارىنا كىرمەگەن. سەكتور بويىنشا ۇزدىك ۇشتىككە پاكىستان (ءبىر شارشى مەترى 585 ا ق ش دوللارى)، ەگيپەت (618,2 ا ق ش دوللارى) جانە ۆەنەسۋەلا (672,1 ا ق ش دوللارى) كىردى.
ت م د- نىڭ وزگە ەلدەرى اراسىندا قازاقستاننان باسقا مولدوۆادا (شارشى مەترى 1047,9 ا ق ش دوللارى) جانە وزبەكستاندا (1083,4 ا ق ش دوللارى) باعا نەعۇرلىم ارزانداۋ. ەكى ەلدە دە حالىقتىڭ تابىسى ق ر- عا قاراعاندا ايتارلىقتاي تومەن. قازاقستانعا قاراعاندا ۋكراينادا (شارشى مەترى 1181,9 ا ق ش دوللارى)، ازەربايجاندا (1306,6 ا ق ش دوللارى)، بەلارۋستە (1629,1 ا ق ش دوللارى)، ارمەنيادا (2228,1 ا ق ش دوللارى) جانە رەسەيدە (شارشى مەترى 3258,2 ا ق ش دوللارى جانە 106-دان بىردەن 76-ورىندا) تۇرعىن ءۇي قىمبات.
شارشى مەترى ەڭ قىمبات جانە تۇرعىن ءۇيدىڭ باعاسى ەڭ جوعارى ەلدەر - گونكونگ، سينگاپۋر جانە وڭتۇستىك كورەيا.
اۆتور
اياۋلىم التىنبەك