قازگيدرومەت 10-مامىرعا ارنالعان اۋا رايى بولجامىن جاريالادى
قازاقستاننىڭ باسىم بولىگى تسيكلوننىڭ ىقپالىندا بولادى. وسىعان بايلانىستى كۇن كۇركىرەپ، باتىستا، سولتۇستىك- باتىستا، ەلدىڭ وڭتۇستىگىنىڭ تاۋلى ايماقتارىندا قاتتى جاڭبىر جاۋادى. رەسپۋبليكا بويىنشا كەي جەرلەردە جەل كۇشەيەدى، شاڭدى داۋىل تۇرىپ، باتىستا جانە وڭتۇستىكتە بۇرشاق جاۋادى.
كۇندىز اقمولا وبلىسىنىڭ وڭتۇستىگىندە، باتىسىندا نايزاعاي ويناپ، شاڭدى داۋىل سوعادى. تۇندە وبلىستىڭ وڭتۇستىگىندە، باتىسىندا جەل ەكپىنى - 15-20 م/س، سولتۇستىك- باتىسىندا ەكپىنى 23-28 م/س، كەيدە 30 م/س اسادى.
كۇندىز الماتى وبلىسىنىڭ باتىسىندا، وڭتۇستىگىندە جانە تاۋلى اۋداندارىندا كۇن كۇركىرەيدى، كۇن كۇركىرەگەن كەزدە جەلدىڭ ەكپىنى 15-20 م/س بولادى.
تۇركىستان وبلىسىنىڭ كەي جەرلەرىندە نايزاعاي جارقىلداپ، داۋىل تۇرادى، تاۋلى اۋدانداردا - بۇرشاق جاۋادى، سولتۇستىكتە شاڭدى داۋىل، وبلىستىڭ باسىم بولىگىندە جەل - 17-22, تاۋلى اسۋلاردا - 25 م/س. باتىس قازاقستان وبلىسىنىڭ سولتۇستىگىندە، شىعىسىندا كۇن كۇركىرەيدى، بۇرشاق جاۋادى، داۋىل، سولتۇستىكتە، باتىستا، وڭتۇستىكتە جەلدىڭ ەكپىنى 15-20 م/س دەيىن كۇشەيەدى.
اتىراۋ وبلىسىنىڭ وڭتۇستىگىندە، شىعىسىندا نايزاعاي ويناپ، بۇرشاق جاۋادى، باتىستا، ورتالىقتا جانە شىعىستا جەل ەكپىنى 15-20 م/س جەتەدى. كۇندىز ماڭعىستاۋ وبلىسىنىڭ سولتۇستىك- شىعىسىندا نايزاعاي جارقىلدايدى، وبلىستىڭ باتىسىندا تۇندە جانە تاڭەرتەڭ تۇمان تۇسەدى. وبلىستىڭ وڭتۇستىگىندە، سولتۇستىك- شىعىسىندا شاڭدى داۋىل، جەل - 17-22، ەكپىنى - 25 م/س.
اقتوبە وبلىسىنىڭ وڭتۇستىگىندە كۇن كۇركىرەيدى، ورتالىقتا، وبلىستىڭ وڭتۇستىگىندە جەل ەكپىنى 15-20 م/س دەيىن كۇشەيەدى. تۇندە قوستاناي وبلىسىنىڭ باتىسىندا، وڭتۇستىگىندە، كۇندىز باسىم بولىگىندە نايزاعاي ويناپ، بۇرشاق جاۋادى، جەل قارقىنى - 15-20 م/س، وبلىستىڭ باتىسىندا، وڭتۇستىگىندە، شىعىسىندا ەكپىنى 23-28 م/س جەتەدى.
سولتۇستىك قازاقستان وبلىسىنىڭ وڭتۇستىگىندە، باتىسىندا، سولتۇستىگىندە داۋىل، شاڭدى داۋىل، تۇندە وڭتۇستىكتە، كۇندىز باسىم بولىگىندە جەل - 15-20، وڭتۇستىكتە، باتىستا، سولتۇستىكتە ەكپىنى - 23-28 م/س، كەيدە 30 م/س اسادى.
كۇندىز پاۆلودار وبلىسىنىڭ باسىم بولىگىندە، كۇندىز شىعىس قازاقستان وبلىسىنىڭ باتىسىندا جەل 15-20 م/س جەتەدى. قاراعاندى وبلىسىنىڭ باتىسىندا، سولتۇستىگىندە، وڭتۇستىگىندە نايزاعاي وينايدى.
كۇندىز وبلىستىڭ وڭتۇستىگىندە شاڭدى داۋىل سوعادى، وبلىستىڭ باتىسىندا، سولتۇستىگىندە، وڭتۇستىگىندە 15-20 م/س جەل سوعادى، ەكپىنى - 23 م/س .
تۇندە جانە تاڭەرتەڭ قىزىلوردا وبلىسىنىڭ سولتۇستىگىندە، ورتالىعىندا، شىعىسىندا كۇن كۇركىرەيدى، داۋىل، وبلىس ورتالىعىندا شاڭدى داۋىل، سولتۇستىكتە، ورتالىقتا، وبلىستىڭ شىعىسىندا جەل جىلدامدىعى 15-20 م/س دەيىن كۇشەيەدى.
كۇندىز جامبىل وبلىسىنىڭ وڭتۇستىگىندە، سولتۇستىگىندە نايزاعاي جارقىلدايدى، بۇرشاق جاۋىپ، شاڭدى داۋىل تۇرادى. وبلىستىڭ وڭتۇستىك- باتىسىندا، سولتۇستىك- شىعىسىندا، تاۋلى اۋدانداردا جەل - 15-20 م/س، ەكپىنى 23 م/س جەتەدى.