10 مىڭعا جۋىق رەسەيلىك قازاقستان ج س ن- ءىن الدى

نۇر-سۇلتان. قازاقپارات – ق ر ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ شەتەلدىكتەرگە جەكە سايكەستەندىرۋ نومەرىن (ج س ن- ي ي ن) بەرۋ مەن ازاماتتىق بەرۋدىڭ ارا-جىگىن ءتۇسىندىردى، دەپ حابارلايدى قازاقپارات.

«وتكەن اپتانىڭ مالىمەتتەرى بويىنشا، 10 مىڭعا جۋىق ادام جەكە سايكەستەندىرۋ نومەرىن الدى. رەسەيدەگى كوپتەگەن قارجى ينستيتۋتتارىنىڭ پروتسەدۋرالىق جۇمىسىنا سانكسيالار كەدەرگى كەلتىردى، سوندىقتان ولار بىزگە جۇگىنەدى. ج س ن العانداردىڭ ءبىزدىڭ ەلىمىزگە كەلۋى دە مىندەتتى ەمەس. ولار ءبىزدىڭ بانك كارتوچكالارىمىزدى عانا پايدالانا الادى»، - دەدى مارات قوجايەۆ ءماجىلىستىڭ جالپى وتىرىسىندا تىلشىلەرگە بەرگەن سۇحباتىندا.

ونىڭ ايتۋىنشا قازاقستاندىق جەكە سايكەستەندىرۋ نومەرىن كەز كەلگەن شەت ەلدىڭ ازاماتى الا الادى.

«ول كاسىپكەرلىك قىزمەتتى، قارجىلىق وپەراتسيا پروتسەستەرىن جانە باسقا دا ماسەلەلەردى جۇرگىزۋ ءۇشىن كەرەك. ج س ن - جاي عانا قۇرال، ول ازاماتتىقتى نەمەسە ەلدە تۇرۋعا ىقتيارحاتتى بىلدىرمەيدى»، - دەدى م. قوجايەۆ.

ايتا كەتەيىك، جىل باسىنان بەرى قازاقستانعا رەسەيدەن 130 مىڭعا جۋىق ادام كەلدى، ونىڭ 120 مىڭى كەرى ورالعان. ال ۋكراينانىڭ 3481 ازاماتى ەلدە ءجۇر. قازىرگى ستاتيستيكاعا سۇيەنسەك، 170 رەسەي ازاماتى، 7 ۋكراينا ازاماتى قازاقستان ازاماتتىعىن الۋعا ءوتىنىش بىلدىرگەن.