شىعىس قازاقستاندا تۋىپ-وسكەندەرگە قوسىمشا اقى مەن 10 كۇن دەمالىس قوسىلادى
17:13, 08 - ءساۋىر 2022
وسكەمەن. قازاقپارات - شىعىس قازاقستان وبلىسىندا تۋىپ-وسكەن ءار ادامعا ەكولوگيالىق جەڭىلدىكتەر جاسالاتىن بولدى، دەپ حابارلايدى قازاقپارات ءتىلشىسى.
ش ق و مەملەكەتتىك ەڭبەك ينسپەكتسياسى باسقارماسىنىڭ باسشىسى باقىتبەك قيزاتوۆتىڭ ايتۋىنشا، وڭىردە تۋىپ-وسكەن ءار ادامعا ەكولوگيالىق جەڭىلدىكتەر جاسالاتىن بولدى.
ال وسىعان دەيىن تەك 1991-جىلعا دەيىن تۋعان، قولىندا ارنايى انىقتاما قاعازى بار ادامدار عانا جەڭىلدىك الاتىن ەدى.
«ياعني، ەندى ءوڭىر تۇرعىندارىنا جاس شاماسىنا قاراماستان اي سايىنعى ەڭبەكاقىعا 1,5 ا ە ك مولشەرىندە (4594,5 تەڭگە) قوسىمشا اقى تولەنەدى. سونداي-اق جىل سايىن 10 كۇن قوسىمشا اقىلى ەڭبەك دەمالىسى بەرىلەدى»، - دەدى باسقارما باسشىسى.
بۇل ش ق و اكىمدىگى، وبلىستىق كاسىپوداق جانە جۇمىس بەرۋشىلەر بىرلەستىكتەرى اراسىنداعى 2021-2023-جىلدارعا ارنالعان كەلىسىمگە سايكەس مۇمكىن بولىپ وتىر.