تەڭگە دەپوزيتىنىڭ 10 پايىز وتەماقىسىن كىمدەر الۋعا قۇقىلى
15:12, 01 - ءساۋىر 2022
نۇر-سۇلتان. قازاقپارات - ۇلتتىق بانكتىڭ رەسمي سايتىندا تەڭگەدەگى سالىمداردى قورعاۋ باعدارلاماسىنا قاتىستى قازاقستاندىق سالىمشىلاردىڭ سۇراقتارىنا جاۋاپ جاريالاندى، دەپ حابارلايدى قازاقپارات ءتىلشىسى.
«سالىم سوماسىنىڭ 10 پايىز كولەمىندە وتەماقى الۋعا قازاقستاندىق بانكتىڭ ءار سالىمشىسى، ياعني جەكە تۇلعالاردىڭ دا، سول سياقتى جەكە كاسىپكەرلەردىڭ دە قۇقىعى بار. وتەماقى 2022 -جىلدىڭ 23-اقپانىنان كەشىكتىرىلمەي اشىلعان جانە وسى مەرزىمگە قالدىق سوماسى بولعان تەڭگەلىك سالىمدار بويىنشا تولەنەدى. 2022 -جىلدىڭ 23-اقپانىنان باستاپ كەلەسى 12 ايدا، ياعني 2023 -جىلدىڭ 24-اقپانىنا دەيىن دەپوزيتتى بانكتە ساقتاۋ - وتەماقى تولەۋ ءۇشىن مىندەتتى تالاپ»، - دەپ جازىلعانۇلتتىق بانك جاۋابىندا.