«سامۇرىق- قازىنا» قورى بويىنشا، رەفورمالاردى ىسكە اسىرۋ جوسپارىن 10 كۇننەن كەيىن قايتا تولىعىراق تالقىلايتىن بولامىز. ول رەفورمالار وتە ماڭىزدى. مەن ءماجىلىستىڭ وتىرىسىندا سويلەگەن سوزىمدە قوردى شىنداپ قايتا قۇرىلىمداۋ قاجەتتىگىنە باسا نازار اۋداردىم»، - دەدى مەملەكەت باسشىسى.
پرەزيدەنت قور جۇمىسىن رەفورمالاۋدا قانداي ماسەلەلەرگە باستى نازار اۋدارۋ كەرەكتىگىن قايتالاپ ەسكە سالدى.
«بىرىنشىدەن، بۇل، ارينە، مەملەكەتتىك ساتىپ الۋدىڭ اشىقتىعى. بۇل تۋرالى مەن وسىمەن ءۇشىنشى جىل ايتىپ كەلەمىن. ازىرگە شىنايى وزگەرىستەرگە قول جەتكىزىلە قويعان جوق. ونىمەن بىرگە بۇل تەندەردى اشىق وتكىزۋگە دە بايلانىستى. «سامۇرىق- قازىنا» قۇرىلىس جانە قايتا جاراقتاۋ سالاسىندا اۋقىمدى جۇمىس اتقارادى. ادەتتە بەلگىلى ءبىر كومپانيالار عانا تەندەردى ۇتىپ، كەيىن جۇمىستى قوسالقى مەردىگەرلەرگە بەرەدى. بۇل، ارينە، بىرىنشىدەن، جۇمىستىڭ ساپاسىنا، ەكىنشىدەن، باعا ولشەمدەرىنە قاتتى اسەر ەتەدى»، - دەدى قاسىم- جومارت توقايەۆ.
2025 -جىلعا قاراي ەلدەگى ينفلياتسيا دەڭگەيى 3-4 پايىز دالىزىندە بولۋى كەرەك.
ۇكىمەتتىڭ كەڭەيتىلگەن وتىرىسىندا پرەزيدەنت قاسىم- جومارت توقايەۆ وسىنداي تاپسىرما بەردى. «ۇلتتىق بانك ينفلياتسيا ءدالىزىن 2022 -جىلى 4-6 پايىز دەڭگەيىندە، 2025 -جىلى 3-4 پايىز دەڭگەيىندە ۇستاپ تۇرۋ ءۇشىن تاۋەلسىز اقشا- نەسيە ساياساتىن، اقىلعان قونىمدى ساياسات ۇستانۋ كەرەك»، - دەدى پرەزيدەنت.
ونىڭ ايتۋىنشا، ناقتى ەكونوميكانى كرەديتتەۋ تۋرالى دا ۇمىتۋعا بولمايدى. «2018 -جىلدان بەرى بانك سەكتورىن ورنىقتى دامىتۋ باعدارلاماسى ىسكە اسىرىلىپ جاتىر. پروبلەمالى كرەديتتەردىڭ شىعىنىن جابۋ ءۇشىن بانكتەرگە 700 ميلليارد تەڭگە بولىنگەن. الايدا بانكتەر تاراپىنان كرەديت قولجەتىمدىلىگى جانە كولەمى بويىنشا قارىمتا قادام بايقالىپ وتىرعان جوق. ەسكى پروبلەما. ۇنەمى ايتىپ ءجۇرمىز. وتىمدىلىگى جوعارى پروفيتسيتتەر ءوسىپ جاتىر. بۇل پروبلەمانى بىلەمىز. ول بانكتەردىڭ اتىن دا بىلەمىز. بۇگىندە اتالمىش پروفيتسيت 12 تريلليون تەڭگەدەي بولعان. بۇل قاراجات ەكونوميكاعا، ونىڭ ىشىندە بيزنەستىڭ اقىلعا قونىمدى جولمەن دامۋىنا، يپوتەكالىق نارىققا جۇمىس ىستەۋى كەرەك. رەتتەۋ تەتىگىن قۇرۋ كەرەك. سول ارقىلى بانكتەر بانكتەردىڭ ءتيىمدى جوبالاردى قارجىلاندىرۋعا نيەتتى بولۋى كەرەك. بۇل - ۇلتتىق بانكتىڭ جاڭا باسشىلىعى مەن قارجى نارىعىن رەتتەۋ جانە دامىتۋ اگەنتتىگىنىڭ مىندەتى»، - دەدى مەملەكەت باسشىسى.
اۆتور: ەسىمجان ناقتىباي