Internet Accessibility Index رەيتينگى دەرەكتەرى بويىنشا، قازاقستاندا ينتەرنەت توپتامانىڭ ورتاشا ايلىق قۇنى - 11,5 دوللار (5 مىڭ تەڭگە). رەيتينگتە ۋكراينا كوشباستايدى (ايىنا ينتەرنەت پاكەتى - 7,2 دوللار)، ال ەڭ قىمبات ينتەرنەت - ماۆريتانيادا، ايىنا 773,2 دوللار.
ساراپشىلاردىڭ پىكىرىنشە، ينتەرنەت قۇنى مەن قارجىلىق قولجەتىمدىلىك جاعىنان سالىستىرساق، قازاقستان - كوشباسشىلار قاتارىندا. WorldData.info ورتاشا كىرىس بويىنشا دەرەكتەردى سالىستىرۋ كەزىندە رەسەي مەن رۋمىنيا الدا ەكەنىن انىقتادى. بۇل ەلدەردە ينتەرنەتتەگى ايلىق توپتامانىڭ باعاسى تابىستىڭ ءبىر پايىزىنان اسپايدى. قازاقستان ۇشتىكتى اياقتايدى، ەلدە ينتەرنەتكە كىرەتىن قولجەتىمدىلىكتىڭ ايلىق توپتاماسى ورتاشا ايلىق تابىستىڭ 1,6 پايىزى عانا بولادى.
الەمدەگى ەڭ جاقسى كورسەتكىش - يزرايلدە. ينتەرنەت قۇنى ايىنا ورتاشا ەسەپپەن 24,5 دوللار بولادى، بۇل - ايلىق تابىستىڭ تەك 0,7 پايىزى.
ق ر ىشكى ستاتيستيكاسىنا سايكەس، بيىل ءۇشىنشى توقساندا بايلانىس قىزمەتتەرىنە كەتەتىن شىعىن 6,6 مىڭ تەڭگە بولعان. بۇل كورسەتكىشكە تەلەفون دا، ينتەرنەت تە، ۇيالى بايلانىس تا كىرەدى. قازاقستاندىقتاردىڭ كوممۋنيكاتسياعا جۇمسالعان شىعىن جان باسىنا شاققاندا، جالپى شىعىن 206 مىڭ تەڭگەنىڭ 3,2 پايىزى عانا بولادى.
ەلىمىزدە تىركەلگەن ينتەرنەت ابونەنتتەرىنىڭ سانى ءبىر جىلدا 6,1 پايىزعا، 2,7 ميلليونعا دەيىن ءوستى. ينتەرنەت ابونەنتتەرىنىڭ تىعىزدىعى 100 ادامعا 14 تەن كەلەدى.