قاڭتار ايىندا قاراعاندى وبلىسى بويىنشا قاجد پەنيتەنتسيارلىق مەكەمەلەرىندە «شەكسىز وقۋ» پيلوتتىق جوباسى ىسكە قوسىلدى. ونى ازىرلەۋگە قاراعاندى وبلىسى بويىنشا قىلمىستىق- اتقارۋ جۇيەسى دەپارتامەنتى، ە. ا. بوكەتوۆ اتىنداعى قاراعاندى ۋنيۆەرسيتەتىنىڭ ورىس ءتىلى مەن ادەبيەتى كافەدراسىنىڭ، قوعامدىق- باقىلاۋ كوميسسياسىنىڭ جانە ادام قۇقىقتارى جونىندەگى قازاقستاندىق حالىقارالىق بيۋرونىڭ قاتىسۋىمەن وبلىستىق جانە مامانداندىرىلعان پروكۋراتۋرا قاتىستى. جوباعا كوپتەگەن سوتتالعاندار قاتىستى.
«شەكسىز وقۋ» جوباسى تۋرالى بىلگەن بەتتە، ليديا وعان بەلسەندى قاتىسا باستادى. بىرنەشە كوركەم ادەبيەت جانرىنداعى كىتاپتاردى وقىپ، ول شىعارمالاردىڭ مازمۇنىن ايتىپ بەرگەن. ول ءۇشىن ليدياعا مەكەمە باسشىسى كوتەرمەلەۋ تاعايىنداعان. تاعى بىرنەشە كىتاپ وقىعاننان كەيىن سوتتالۋشىلارعا ەكىنشى رەت كوتەرمەلەۋ بەرىلدى. جالپى سانى 10 كىتاپتى وقىپ، ەكى ماراپاتقا يە بولعان ليديا شارتتى تۇردە مەرزىمىنەن بۇرىن بوساتىلدى.
ايەل سالىق تولەۋدەن جالتارعانى ءۇشىن بەس جىل مەرزىمگە سوتتالعان، ونىڭ ەكى جىلىن قاراعاندى وبلىسىنىڭ ايەلدەر كولونياسىندا وتەگەن.
«ءبىزدىڭ مەكەمەدە «شەكسىز وقۋ» پيلوتتىق جوباسى جۇزەگە اسىپ جاتىر. وعان 50 دەن استام سوتتالعان قاتىسادى. جوباعا العاشقى قاتىسقانداردىڭ ءبىرى ىنتالاندىرۋ الدى جانە بۇگىن شارتتى تۇردە مەرزىمىنەن بۇرىن بوسادى»، - دەپ حابارلادى ا ك-159/9 مەكەمەسى باستىعىنىڭ ورىنباسارى، ادىلەت پودپولكوۆنيگى نازيرا كادىروۆا.
اۆتور: اگاتا مۋحامەدجانوۆا