جۇقپالىلىعى @ اساتىن «ۇندىلىك» شتامعا بايلانىستى ۇلىبريتانيا لوكداۋندى تولىعىمەن الىپ تاستاۋ ماسەلەسىن قاراستىرار ەمەس. ا ق ش- تىڭ بۇرىنعى پرەزيدەنتى دونالد ترامپ قىتاي كوروناۆيرۋستىڭ كەلتىرگەن زيانى ءۇشىن 10 تريلليون دوللار شىعىن تولەۋى كەرەكتىنى مالىمدەدى. قازاقپارات بۇل تۋرالى BBC گە سىلتەمە جاساپ حابارلايدى.
ءوز ەسەپتەۋلەرىندە الەم ەلدەرىنىڭ رەسمي مالىمەتتەرىن پايدالاناتىن امەريكالىق دجونس حوپكينس ۋنيۆەرسيتەتىنىڭ سيفرلارىنا سۇيەنسەك، پاندەميا كەزىندە 173 ميلليونعا جۋىق ادام كوروناۆيرۋسپەن اۋىرعان، 3,7 ميلليوننان استام ادام قايتىس بولدى، 2 ميللياردتان استام ەكپە جاسالدى.
د د س ۇ: مۇنىمەن ءومىر سۇرۋگە تۋرا كەلەدى
دۇنيەجۇزىلىك دەنساۋلىق ساقتاۋ ۇيىمى كوروناۆيرۋستىڭ تولىق جويىلۋى ايقىن پەرسپەكتيۆاعا ۇقسامايتىنىن مالىمدەدى. د د س ۇ وكىلى دوكتور دەۆيد ناباررونىڭ ايتۋىنشا، ۆيرۋس ۆاكسينالار نەمەسە ءدارى- دارمەكتەر ارقىلى جويىلادى دەپ ۇمىتتەنبەۋ كەرەك.
«ادامدار بۇل ۆيرۋسپەن ءومىر ءسۇرۋدى ۇيرەنۋى قاجەت. جاڭا شتامدار پايدا بولادى، ىندەت ءورشىپ، جاڭا وشاقتارى تىركەلىپ وتىرادى. ءبىز وعان ۇيرەنۋىمىز كەرەك»، - دەدى دوكتور ناباررو Sky News تەلەارناسىنا بەرگەن سۇحباتىندا.
بريتانيا: كارانتين الىنباۋى مۇمكىن
ۇلى بريتانيا پرەمەر- ءمينيسترى بوريس دجونسون باي ەلدەردىڭ باسشىلارىن 2022 -جىلدىڭ سوڭىنا دەيىن ءوز تۇرعىندارىنا ۆاكتسينا ەگۋ پروتسەسىن اياقتاۋعا شاقىرۋعا نيەتتى. دجونسون بۇل تۋرالى كەلەسى جۇمادا ۇلى بريتانيانىڭ كورنۋولل قالاسىندا باستالاتىن ۇلكەن جەتىلىك سامميتىندە جاريالايدى دەپ كۇتىلۋدە.
21 -ماۋسىمدا ۇلىبريتانيادا الەۋمەتتىك بايلانىستارعا بارلىق شەكتەۋلەر الىنىپ تاستالۋى ءتيىس: تۇنگى كلۋبتار اشىلىپ، ۇيلەنۋ تويلارى مەن جەرلەۋ راسىمدەرىنە قوناقتار شاقىرۋ سانىنا ەنگىزىلگەن تىيىم كۇشىن جوياتىنى كۇتىلۋدە. ءبىراق دەنساۋلىق ساقتاۋ ءمينيسترى مەتت حانكوك جەكسەنبىدە BBC - گە بەرگەن سۇحباتىندا ۇكىمەت شەكتەۋلەردى الىپ تاستاۋ ماسەلەسىن ازىرگە اشىق قالدىراتىنىن ايتتى.
م. حانكوك ۇكىمەت «21 -ماۋسىمعا دەيىن» شەكتەۋلەردى الىپ تاستاماقشى بولعانىن، ءبىراق ول ءدال سول كۇنى ورىندالاتىنىنا ەشقاشان ۋادە بەرمەگەنىن ايتتى. ونىڭ ايتۋىنشا، شەنەۋنىكتەر مەن دارىگەرلەر شەشىم قابىلداماس بۇرىن جاعدايدى باقىلايدى. سونىمەن قاتار، مينيستر اۋرۋ جۇقتىرۋشىلار سانىنىڭ وسۋىنە قاراماستان، اۋرۋحاناعا جاتقىزۋ جاعدايلارى ءىس جۇزىندە وسپەگەنىنىن اتاپ ءوتتى.
بۇل ۆاكسينالاردىڭ تيىمدىلىگىن دالەلدەيدى. ۆاكسينانىڭ ەكى دوزاسىن شامامەن 23,5 ميلليون بريتاندىق العان، 33,7 ميلليون بريتاندىق ءبىر دوزاسىن سالدىرعان. رەسمي مالىمەتتەرگە سايكەس، جەكسەنبىدە ينفەكتسيا جۇقتىرۋدىڭ تاعى 5341 جاعدايى تىركەلگەن. سوڭعى 28 كۇندە كوروناۆيرۋستان 4 ادام قايتىس بولدى.
دونالد ترامپ: قىتاي كوروناۆيرۋس ءۇشىن وتەماقى تولەۋى ءتيىس
ا ق ش- تىڭ بۇرىنعى پرەزيدەنتى دونالد ترامپ ۇزاق ۋاقىت بويى العاش رەت ءوز جاقتاستارىنىڭ الدىندا ءسوز سويلەپ، قىتاي ا ق ش پەن باسقا ەلدەرگە كوروناۆيرۋس پاندەمياسى سالدارىنان بولعان ادام شىعىنى مەن زالال ءۇشىن 10 تريلليون دوللار تولەۋى كەرەكتىگىن مالىمدەدى.
«بارشامىزعا بىرىگە وتىرىپ، «قىتاي بىزگە تولەۋى ءتيىس، ءتيىس!» دەپ مالىمدەۋ قاجەت. سونداي- اق بارلىق مەملەكەت باس قوسىپ، زالالدىڭ ورنىن تولتىرۋ ءۇشىن قىتايعا 10 تريلليون دوللاردى تولەتۋ قاجەت. بۇل، ارينە، اناعۇرلىم تومەندەتىلگەن سيفرا»، - دەدى ەكس- پرەزيدەنت سولتۇستىك كارولينادا وتكەن رەسپۋبليكالىقتاردىڭ كونفەرەنسياسىندا.