«قايىرمدى ىستەر مارافونى» جالپىۇلتتىق اكتسياسى اياسىندا «بىرلىك اجا» ج ش س باسشىسى، بالقاشتىق جاندوس ءابدىجاپپاروۆ اتالمىش اگروفيرمادا 20 جىلدان استام ەڭبەك ەتىپ كەلە جاتقان اۋىل تۇرعىندارىنا باسپانا سىيلادى.
اتاپ ايتساق، كوپبالالى 2 وتباسىنا، ءۇشىنشى توپ مۇگەدەگى تۇراتىن 1 وتباسىنا، بارلىعى 10 جانۇياعا ءوز دەمەۋشىلىگىمەن تۇرعىن ءۇي كىلتىن تابىستادى. جالپى، ىنتىماعى مەن بىرلىگى جاراسقان اۋىلدىڭ جاس كاسىپكەر بالاسى جاسىنان ءتورت تۇلىك تۇرىنە ەتەنە جاقىن بولىپ وسكەن. 2015 -جىلى «بىرلىك ا ج ا» ج ش س قۇرىپ، بۇگىن شارۋاشىلىقتىڭ تاسىن ورگە سۇيرەپ كەلەدى. سەرىكتەستىك مال تۇقىمىن كوبەيتۋ مەن اسىلداندىرۋعا كوپ كوڭىل بولەدى. تاۋەلسىزدىكپەن تۇيدەي قۇرداس جاندوس قايىرىمدىلىق جاساۋدى جانى سۇيەتىن ازامات. ول 2020 -جىلى «اسىل جۇرەك» نوميناتسياسىنىڭ يەگەرى اتانعان.
«وسىدان 3 جىل بۇرىن 7 باسپانانىڭ كىلتىن اۋىل تۇرعىندارىنا تابىستاعان بولاتىنبىز. مىنە، بۇگىن مەرەكە كۇنى تاعى قۋانىشتى جاعداي بولىپ جاتىر. مەن تاۋەلسىزدىك قۇرداسى ءارى ەلىمنىڭ پاتريوتى رەتىندە اۋىلىمنىڭ كوركەيۋىنە از دا بولسا ۇلەسىمدى قوسقىم كەلەدى. جاقسىلىق جاساۋ جانىما قۋانىش سىيلايدى»، - دەپ اتاپ ءوتتى «بىرلىك ا ج ا» ج ش س ديرەكتورى جاندوس ءابدىجاپپار ۇلى.
ايتا كەتۋ كەرەك، الماتى وبلىسىندا «قايىرمدى ىستەر مارافونى» جالپىۇلتتىق اكسياسى شەڭبەرىندە 600 دەن استام ءىس- شارا ۇيىمداستىرىلعان. «الماتى وبلىسىندا 80 ميلليون تەڭگەگە 8 مىڭنان استام وتباسى ازىق- تۇلىك پاكەتتەرىن الدى. بۇل شارا ودان ءارى دە جالعاساتىن بولادى. قازىر الماتى وبلىسى كولەمىندە 4 مىڭنان استام ۆولونتەر بار. ولاردىڭ بارلىعى جىل سوڭىنا دەيىن وسى مارافونعا جۇمىلدىرىلاتىن بولادى»، - دەيدى وبلىستىق جاستار ساياساتى ماسەلەلەرى جونىندەگى باسقارما باسشىسى ەلدار ساپاروۆ.
تاۋەلسىزدىكتىڭ 30 جىلدىعىنا ورايلاستىرىلىپ باستاۋ العان «قايىرمدى ىستەر مارافونى» وڭىردە ءالى دە جالعاسىن تاپپاق.
اۆتور: سامال قابىشەۆا