«سولتۇستىك قازاقستان وبلىسىنىڭ 2021-2025 -جىلدارعا ارنالعان الەۋمەتتىك- ەكونوميكالىق دامۋىنىڭ كەشەندى جوسپارىندا وڭىرگە ينۆەستيتسيالار مەن بىلىكتى مامانداردى تارتۋعا، جاڭا ءوندىرىس كوزدەرى مەن جۇمىس ورىندارىن اشۋعا باعىتتالعان ناقتى ءىس-شارالار قاراستىرىلعان. 2025 -جىلعا دەيىن وڭىردە 97 مىڭ، ونىڭ ىشىندە مەملەكەتتىك باعدارلامالار مەن جەكە كاسىپكەرلەردىڭ باستامامالارى بويىنشا 71 مىڭ جاڭا جۇمىس ورنىن قۇرۋ جوسپارلانعان. سونداي- اق كەشەندى جوسپار اياسىندا ىسكە اسىرىلاتىن جوبالار بويىنشا 16 مىڭ تۇراقتى جانە 10 مىڭ ۋاقىتشا جۇمىس ورنى قۇرىلادى. بارلىعى 69 مىڭ تۇراقتى جۇمىس ورنى اشىلادى»، - دەدى مينيستر. ونىڭ سوزىنە قاراعاندا، ەڭبەك رەسۋرستارىنىڭ ۇتقىرلىعىن ارتتىرۋدى ىنتالاندىرۋعا، دەموگرافيالىق تەڭگەرىمسىزدىكتىڭ جانە كەرى كوشى-قون سالدوسىنىڭ اسەرىن ازايتۋعا باعىتتالعان ءبىرقاتار جۇمىستار اتقارىلادى.
«بىرىنشىدەن، بيزنەس پروتسەستى وڭتايلاندىرۋ ءۇشىن بوس جۇمىس ورىندارى تۋرالى مالىمەتتەردى الۋ، قونىس اۋدارۋعا ءوتىنىم بەرۋ جانە قابىلدانعان شەشىممەن تانىسۋ ەلەكتروندى ەڭبەك بيرجاسى ارقىلى جۇزەگە اسىرىلاتىن بولادى. ەكىنشىدەن، قونىس اۋدارۋشىلاردى جۇمىسپەن قامتۋعا، جاڭا جەردە بەيىمدەۋگە جاعداي جاساۋ ءۇشىن كوشۋگە بەرىلەتىن ءبىر رەتتىك جاردەماقى مولشەرىن كوبەيتۋ بويىنشا جۇمىستار جۇرگىزىلىپ جاتىر»، - دەدى س. شاپكەنوۆ.
ونىڭ سوزىنە قاراعاندا، جۇمىس بەرۋشىلەردى ىنتالاندىرۋ ماقساتىندا قونىس اۋدارۋشىلاردىڭ ەڭبەكاقىسىنىڭ ءبىر بولىگىن سۋبسيديالاۋ، وقىتۋ شىعىندارىن وتەۋ بويىنشا شارالار قابىلدانادى. «جالپى، كەشەندى جوسپاردا قاراستىرىلعان ءىس- شارالار 2025 -جىلعا وڭىرگە 10 مىڭنان استام جۇمىس كۇشىن كوشىرۋگە، دەموگرافيالىق ماسەلەلەردىڭ جاقسارۋىنا وڭ اسەرىن تيگىزەدى. سونىمەن قاتار، جۇمىسسىزدىق دەڭگەيىن 4,9 پايىزعا دەيىن ازايتۋعا مۇمكىندىك بەرەدى»، - دەدى مينيستر. ايتا كەتەيىك، بۇگىن ۇكىمەت وتىرىسىندا ق ر ۇلتتىق ەكونوميكا ءمينيسترى اسەت ەرعاليەۆ سولتۇستىك قازاقستان وبلىسىنىڭ 2021-2025 -جىلدارعا ارنالعان الەۋمەتتىك-ەكونوميكالىق دامۋىنىڭ كەشەندى جوسپارىن تانىستىردى. پرەمەر- مينيستر اسقار مامين كەشەندى جوسپارى ءوڭىردىڭ ينفراقۇرىلىمىن جاقسارتاتىنىن اتاپ ءوتتى.