يلون ماسكتىڭ كەمەسىمەن عارىشقا ۇشۋ قۇنى 10 دوللاردى قۇرايدى
SpaceX كومپانياسى 2021 -جىلدىڭ سوڭىنا قاراي Falcon 9 زىمىرانىن ۇشىرۋعا نيەتتى. ەكيپاج تولىقتاي ازاماتتىق تۇلعالاردان تۇرادى. بۇل تۋرالى ۇيىمنىڭ سايتىندا حابارلاندى. بەلگىلى بولعانداي، قاتىسۋشىلاردىڭ ءبىرى - Shift4 Payments كومپانياسىنىڭ نەگىزىن قالاۋشى 37 جاستاعى ميللياردەر دجارەد ايزەكمان. ول وسى ءىستىڭ دەمەۋشىسى اتانباق.
دجارەد Dragon عارىش كەمەسىندەگى تاعى ءۇش استروناۆتتىڭ شىعىنىن وتەپ بەرۋگە كەلىسكەن. «ۇشار الدىندا ەكيپاج تولىق دايىندىقتان وتەدى، ونىڭ ىشىندە ميكروگراۆيتاتسيا جانە سالماقسىزدىق جاعدايىندا تەكسەرىلەدى»، - دەلىنگەن مالىمەتتە.
ىرىكتەۋگە ءوتىنىش بەرۋ ءۇشىن ارنايى سايت قوسىلعان، ول جەردە 10 دوللاردى قۇرايتىن باستاپقى جارنا تولەۋ كەرەك. بۇل قارجى قاتەرلى ىسىككە شالدىققان بالالارعا جۇمسالادى. ال عارىش تۋريستەرىنىڭ ەسىمدەرى ءبىر اي ىشىندە انىقتالادى.
www.24.kz