ەكى وقۋشى قىزىلوردا قالاسىنداعى حيميا- بيولوگيا باعىتىنداعى نازاربايەۆ زياتكەرلىك مەكتەبىندە ءبىلىم الادى.
بۇگىندە 12 سىنىپتا ءبىلىم الىپ جۇرگەن گۇلدانا مەن داۋلەت «Arduino»پلاتفورماسى ارقىلى جۇرەك جۇمىسىنىڭ اۋىتقۋىن انىقتاۋ» اتتى تاقىرىپتا زەرتتەۋ جۇمىستارىن جۇرگىزۋدە.
«بۇگىندە جۇرەك- قان تامىرى اۋرۋلارى شامادان تىس كوبەيىپ بارادى. وعان ينفاركت جانە ءينسۋلتتى جاتقىزۋعا بولادى. ءبىزدىڭ ەلىمىزدە شامامەن 2 ميلليوننان استام ادام سول اۋرۋدان زارداپ شەگەدى. الەمنىڭ وزگە ەلدەرمەن سالىستىرعاندا ءولىم كورسەتكىشى دە الاڭداتادى. سوندىقتان جۇرەك اقاۋلارىن بارىنشا ەرتە انىقتاۋ ارقىلى ادام ءومىرىن قۇتقارۋعا ابدەن بولادى»، - دەيدى جاس زەرتتەۋشىلەر.
ولاردىڭ ايتۋىنشا، جۇرەك اۋرۋلارىن الدىن الۋ باعىتىندا ءوزىمىز باسقارا الاتىن فاكتورلار دا بار. عىلىمي زەرتتەۋ جۇمىسى ەكى بولىمنەن تۇرادى. ءاربىر ءبولىم كوپتەگەن بولىكتەرگە بولىنگەن. «بولىمدەر تاقىرىپقا ساي تالدانعان. زەرتتەۋ جۇمىسىنىڭ ماقساتى - جۇرەكتىڭ اقاۋلارىن الدىن- الا انىقتاپ ءارى تۇسىنۋگە قولايلى ەلەكتروكارديوگراف جاساۋ. وعان قوسا ەمدەۋ جولدارىن ۇسىنا وتىرىپ، «Arduino» پلاتفورماسى ارقىلى ماسساج جاساۋ مۇمكىندىكتەرىن قامتاماسىز ەتۋگە مۇمكىندىك بار. زەرتتەۋ جۇمىسىن جۇرگىزۋدە وقۋشىلار بىرنەشە ءادىستى قولدانعان. ولارز قۇرىلعىنى جاساۋ ارقىلى ءارتۇرلى سىنىپ وقۋشىلارىنا كەلىسىمدى تۇردە سىناما جۇرگىزگەن. ناتيجەسىندە قۇرىلعىنىڭ جۇمىس جاساۋ مۇمكىندىگى ناقتى زەردەلەنىپ، مۇمكىندىگى انىقتالعان»، - دەدى قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ پروفەسسورى سالتانات يبادۋللايەۆا.
وقۋشىلار ءوز زەرتتەۋىندە كوپتەگەن ادەبيەتتەرگە تالداۋ جاساعان. كارديولوگ ماماندارمەن سۇحبات جۇرگىزگەن. بۇل قۇرىلعى كەز- كەلگەن ادامعا قولجەتىمدى ءارى تۇسىنۋگە قاراپايىم تۇردە جاسالعان. قۇرىلعى ارقىلى 10-نان استام اۋرۋ تۇرلەرىن انىقتاۋعا بولادى.
اۆتور: ءادىلجان ۇمبەت