مەملەكەتتىك بيۋدجەت كىرىسى 10 پايىزعا ءوستى
كىرىستىڭ ءوسىمىنىڭ نەگىزگى سەبەبى - ترانسفەرتتەردىڭ ءتۇسۋى. 2020 -جىلدىڭ قاڭتار- قازان ايلارىندا ەلدىڭ مەملەكەتتىك بيۋدجەتىنە 11,1 تريلليون تەڭگە اقشا تۇسكەن - بۇل بىلتىرعى جىلمەن سالىستىرعاندا 9,9 پايىز كوپ.
كىرىستەر جوسپارى 96,7 پايىز ورىندالعان. سالىستىرمالى تۇردە، وتكەن جىلدىڭ ون ايىندا مەملەكەتتىە بيۋدجەت كىرىستەرى 10,1 تريلليون تەڭگەنى قۇراپ، جىلىنا 12,2 پايىز ءوستى. بۇل رەتتە، مەملەكەتتىك بيۋدجەتكە سالىق ءتۇسىمى ءبىر جىلدا 9,7 پايىز قىسقارىپ، 6,4 تريلليون تەڭگەنى قۇراعان. سونىڭ ىشىندە، 2,6 تريلليون تەڭگە ىشكى سالىق، تاۋارلار مەن قىزمەت كورسەتۋگە، 2,1 تريلليون تەڭگە - كىرىس سالىعىنا، 697,9 ميلليارد تەڭگە - حالىقارالىق ساۋدا جانە سىرتقى وپەراتسيالارعا تيەسىلى بولدى.
سالىقتىق ەمەس تۇسىمدەر 321,5 ميلليارد تەڭگەگە جەتىپ، بىردەن 69,9 پايىز وسكەن. سونىڭ ىشىندە، 64,5 پايىز، نەمەسە 207,3 ميلليارد تەڭگەنى مەملەكەتتىك مەنشىك كىرىستەرى قۇراعان. نەگىزگى كاپيتالدى ساتۋ ءتۇسىمى 11,3 پايىزعا، 76,5 ميلليارد تەڭگەگە دەيىن قىسقارعان. ۇلتتىق قوردان تۇسكەن ترانسفەرتتەر 4,3 تريلليون تەڭگەگە جەتتى. بۇل وتكەن جىلمەن سالىستىرعاندا 55,9 پايىزعا جوعارى.
اۆتور: زارينا تۋعانبايەۆا