بۇل تۋرالى ق ر ۇ ە م ستاتيستيكا كوميتەتىنەن ءمالىم ەتتى، دەپ حابارلايدى قازاقپارات ءتىلشىسى.
ۆەدومستۆو مالىمەتىنشە، قازاندا (2020 -جىلعى قىركۇيەككە) باعانىڭ ءوسۋى جۇمىرتقاعا - 10,3، قۇمشەكەرگە - 7,3، كۇنباعىس مايىنا - 6,3، جاڭا جينالعان كوكونىستەرگە - 2,8، كارتوپقا - 2,1، سۇتكە - 1,4، شايعا - 1، قوي ەتىنە - 0,9، ۇنعا، سارى مايعا - 0,8، ماكارون ونىمدەرىنە، جىلقى ەتىنە - 0,7، نانعا - 0,6 پايىز بەلگىلەندى. تەمەكى ونىمدەرى - 1,8، سالقىنداتىلعان سۋسىندار 0,6 پايىز قىمباتتادى.
باعانىڭ تومەندەۋى جاڭا جينالعان جەمىستەرگە - 3,9، تاۋىقتىڭ سيراعىنا 1,1 پايىزعا تىركەلدى. باعا ءوسىمى كەڭسە تاۋارلارعا، ءدارى- دارمەككە - 0,8، جۋعىش جانە تازالاعىش قۇرالدارعا، اۆتوموبيلدەرگە - 0,7، توقىما بۇيىمدارىنا، كيىم جانە اياق كيىمگە، جيھاز جانە ۇيگە قاجەتتى زاتتارعا 0,6 پايىزدى قۇرادى. تاس كومىر 1,4 پايىز قىمباتتادى. باعا دەڭگەيى مونشاعا بارۋ - 0,8، سپورتتىق كەشەندەر قىزمەتتەرىنە - 0,7، ستوماتولوگيالىق قىزمەتتەرىنە - 0,6، قوعامدىق تاماقتاندىرۋ قىزمەتتەرىنە 0,5 پايىز ءوستى.
اۋە كولىگىمەن جول ءجۇرۋ اقىسى 2,4 پايىز ارزاندادى. تۇرعىن ءۇي- كوممۋنالدىق قىزمەتتەر سالاسىندا تاريفتەر قوقىس شىعارۋ - 6,7، سۋىق سۋعا - 2,5، كارىزگە - 2، ەلەكتر ەنەرگياسىنا - 0,7، ىستىق سۋعا 0,3 پايىز ءوستى.