ۆەدومستۆو وكىلدەرىنىڭ مالىمەتىنشە، بەلىي كامەن اۋىلىنداعى ۇيلەردىڭ بىرىندە جاسىرىنباق ويناپ جۇرگەن 10 جاستاعى قىز كىر جۋعىش ماشيناعا بارىپ، جاسىرىنعان. كەيىن ول وزدىگىنەن الگى قۇرىلعىدان شىعا الماي قالعان.
«پ چ-28 -ءبولىمىنىڭ وكىلدەرى ماشينانىڭ كەيبىر بولشەكتەرىن اجىراتىپ، قىزدى شىعارىپ الدى. وقيعا ورنىنا شاقىرىلعان جەدەل جاردەم قىزمەتىنىڭ وكىلدەرى قىزدىڭ زارداپ شەكپەگەنىن، دەنەسىندە ەشقانداي جاراقات نەمەسە سىنعان مۇشەلەر جوق ەكەنىن ايتتى» - دەلىنگەن ش ق و ت ج د باسپا ءسوز حابارلاماسىندا.
قۇتقارۋشىلار بالالاردى قاراۋسىز قالدىرۋدىڭ قانشالىقتى قاۋىپتى ەكەنىن تاعى دا ەسكەرتتى.
«وتە ساق بولىڭىزدار! بالالارىڭىزبەن مۇقيات ءتۇسىندىرۋ جۇمىستارىن جۇرگىزىڭىزدەر. ولارعا قاۋىپسىزدىك شارالارىن ساقتاۋدىڭ قانشالىقتى ماڭىزدى ەكەنىن ەسكەرتىڭىزدەر!»، - دەلىنگەن توتەنشە جاعدايلار قىزمەتىنىڭ وكىلدەرىنىڭ ەسكەرتپەسىندە.
رۋسلان شاقابايەۆ