اگەنتتىكتىڭ حابارلاۋىنشا، قويماداعى ءورتتى سوندىرۋگە رەسەيدىڭ ت ج م بىرنەشە مىڭداعان اسكەري قىزمەتكەرى، ەكى ءورت تانكى جانە بروندى ءورت كولىكتەرى جۇمىلدىرىلدى. سونداي- اق، ءورتتى سوندىرۋگە ارنايى روبوتتار پايدالانىلۋدا. قورعانىس مينيسترلىگىنىڭ ي ل-76 ءتورت ۇشاعى دا اپات بولعان جەرگە جىبەرىلگەن.
جەلدىڭ قاتتى سوعۋى جانە شامامەن ءاربىر 10 سەكۋند سايىن بولاتىن جارىلىس ءورتتى سوندىرۋگە كەدەرگى كەلتىرىپ، جاعدايدى قيىنداتۋدا. ءورت اۋماعى جايىلىپ جاتىر. سوڭعى مالىمەت بويىنشا، ورتتەن 10 ادام زارداپ شەككەن. كۋاگەرلەردىڭ ايتۋىنشا، بىرنەشە رەت قاتتى جارىلىس بولعان. جارىلىستان جانە ۇشقان سنارياد قالدىقتارىنان بىرنەشە ونداعان ۇيلەردىڭ ەسىك- تەرەزەلەرى قيراعان. ريازانسكوي وبلاستا توتەنشە جاعداي رەجيمى ەنگىزىلدى. جانە ءورت وشاعىنان 25 ك م اۋماقتاعى ەلدى مەكەندەر ەۆاكۋاتسيالانۋدا. 10-نان اسا تۇرعىن ءۇي ورتەنىپ كەتكەن.
ەسكە سالساق، رەسەيدە سناريادتار قويماسى ورتەنىپ، وق- ءدارى جارىلىپ جاتقانى تۋرالى حابارلاعان بولاتىنبىز. قاتتى جەل سوعىپ، ءورت ارتيللەريالىق وق- دارىلەردى ساقتاۋ الاڭىنا جايىلعان. اپاتقا بايلانىستى كۋزمينكا-2 ەلدى مەكەنىنىڭ تۇرعىندارى ەۆاكۋاتسيالاندى.