بۇل دەڭگەي اتالعان مەملەكەتتەردە سوڭعى ەكى اپتا ىشىندە COVID-19 ۆيرۋسىن جۇقتىرۋدىڭ راستالعان جاعدايلارىنىڭ سانى 120 دان 100 مىڭعا دەيىن جەتكەنىن كورسەتەدى. وسىدان كەيىن بەلگيانى قوسا العاندا ەۋرووداقتىڭ توعىز ەلى «قىزىل ايماققا» كىردى.
ۇلى بريتانيا سوڭعى بولىپ اتالعان ءتىزىمدى تولىقتىردى. قازىرگى ۋاقىتتا ە و-دا اۋرۋعا شالدىعۋ قارقىنى مىناداي: يسپانيادا (100000 تۇرعىنعا شاققاندا 319 جاعداي)، چەحيادا (303)، فرانسيادا (245)، نيدەرلاندىدا (231)، بەلگيادا (206)، ليۋكسەمبۋرگتە (161)، يسلانديادا (158)، ۆەنگريادا (129)، دانيادا (128) جانە ۇلى بريتانيادا (135).
سونىمەن قاتار، رۋمىنيا (116)، اۆستريا (114)، سلوۆاكيا (106) جانە يرلانديا (105) قاۋىپ ايماعىندا تۇر. وسىعان بايلانىستى ەۋروپا ەلدەرى كوروناۆيرۋستى بولدىرماۋ شارالارىن قابىلداپ جاتىر. ماسەلەن، فرانسيا وسى اپتانىڭ باسىنان باستاپ ءبىرقاتار شارالاردى كۇشەيتتى. گەرمانيا سپورتتىق شارالار مەن كونسەرتتەر سياقتى ۇلكەن جيىندارعا تىيىم سالۋدى جىلدىڭ سوڭىنا دەيىن ۇزارتتى. سونىمەن قاتار، ك ۆ ي قاۋپى جوعارى ەلدەردەن كەلگەندەر Covid-19 تەستىنەن ءوتىپ، 14 كۇندىك كارانتينگە جىبەرىلەدى.
اۆتور: ارنۇر راحىمبەكوۆ